Tramp Əfqanıstanda əsgərlərin sayının gələn seçkilərə qədər azaldılmasını istəyir

“Prezident Donald Tramp Əfqanıstanda ABŞ hərbi qüvvələrinin sayının Birləşmiş Ştatlarda gələn il prezident seçkilərinə qədər azaldılmasını istəyir”.

APA-nın “voice america”ya istinadən verdiyi xəbərə görə, bunu ABŞ dövlət katibi Mayk Pompeo Vaşinqtonda hərbi qüvvələrin sayının azaldılması ilə bağlı artan təzyiqləri şəhr edərkən bildirib.

“Ümid edirik ki, regoinda hərbi qüvvələrə ehtiyac azalacaq” – deyə, Pompeo prezident Trampa istinad edərək bildirib.

Pompeo Talibanla 18 ildir davam edən müharibəyə son qoyulması üçün danışıqlarla bağlı nikbinliyini ifadə edib.

Xatırladaq ki, hazırda ABŞ və NATO koalisiya qüvvələrinin 20 mindən çox əsgəri qüvvəsi Əfqanıstanda yerli hərbçilərə təlim keçmək missiyasını icra edir.

Pia.az