Bakının Nərimanov rayonunda yanğın hadisəsi baş verib.
PİA.az xəbər verir ki, hadisə Təbriz küçəsində yerləşən “PUB”- da qeydə alınıb.
Belə ki, obyekt sahibi Aqşin Kərimlinin verdiyi məlumata görə, yanğına səbəb mətbəxdə yerləşən məişət avadanlığında baş verən qısaqapanma olub.
Nəticədə içəridə yanğın başlayıb. Müştərilər dərhal təxliyə edilib.
Əraziyə FHN-in Yanğından Mühafizə Xidmətinin Nərimanov Rayon Hissəsinin əməkdaşları cəlb edilib.(APA)
***
“Bir az əvvəl Təbriz küçəsində iaşə obyektində yanğın baş verib. Yanğınsöndürmə texnikaları əraziyə cəlb olunduğundan Təbriz küçəsinin bu hissəsində hərəkət dayandırılıb”.
PİA.az xəbər verir ki, bunu Bakı Nəqliyyat Agentliyinin mətbuat xidmətinin rəhbəri Mais Ağayev bildirib.
Qeyd edilib ki, bu hal ərazidən keçən müntəzəm marşrut xətləri üzrə avtobusların da hərəkətində çətinliklər yaradıb.
pia.az