“Gəncəyə edilən raket hücümü onu göstərir ki, Ermənistan hərbi cinayət törədir”
Bunu Türkiyə Böyük Millət Məclisinin (TBMM) sədri Mustafa Şentop Gəncəyə səfəri zamanı jurnalistlərə açıqlamasında deyib.
“Gəncədə olan bütün bunlar onu göstərir ki, Ermənistan bu müharibədə mülki vətəndaşları hədəfə alaraq hərbi cinayət törədir. Bu, Cenevrə Konvensiyasına görə də ziddir. Ermənistan hərbi hüquqa riayət etmir və alçaqcasına mülki şəxsləri hədəf alır. Təəssüf ki, Gəncədə olan bu qətliamı Minsk qrupu və digərləri görməzdən gəlir, buna qarşı bir tədbir görmürlər. Biz inanırıq ki, Azərbaycan öz torpaqlarının hamısını, Qarabağı işğaldan azad edəcək, Qarabağ Azərbaycandır!”, - o bildirib.
Qeyd edək ki, M.Şentop və onunla birgə Gəncəyə səfər edən Türkiyə millət vəkilləri və digər rəsmi şəxslər Ermənistan ərazisindən Gəncəyə edilən raket hücumu nəticəsində dağılan ərazilərə baş çəkib, orada dünyasını dəyişənlərin ruhuna dualar oxuyublar.(report)
pia.az
Digərxəbərlər
Populyar xəbərlər
