Bu gün Gürcüstanın Vətənpərvərlər Alyansı Partiyasının tərəfdarları ABŞ-ın Tbilisidəki səfirliyi qarşısında bu ölkədə sosioloji sorğu aparan Milli Demokratiya İnstitutu (NDİ) və Beynəlxalq Respublikaçı İnstitutunun (İRİ) fəaliyyətinin qadağan edilməsi tələbi ilə aksiya keçiriblər
Virtualaz.org-un məlumatına görə, aksiya “Obyektiv” telekanalı vasitəsilə canlı yayımlanıb.
“Biz kimsənin koloniyası deyilik və birlikdə yalana YOX deməliyik. Bu gün biz ABŞ səfirliyi qarşısında bəyan edirik ki, bu təşkilatların Gürcüstandakı fəaliyyətinə qadağa qoyulmalıdır. Qoy onlar Gürcüstanı tərk etsinlər”, - Gürcüstanın Vətənpərvərlər Alyansı Partiyasının lideri İrma İnaşvili bildirib.
Nümayişçilər hesab edirlər ki, NDİ və İRİ bir sıra müxalifət partiyalarının xeyrinə işləyir və sosioloji sorğuların doğru olmayan nəticələrini dərc edərək, Gürcüstan hakimiyyətini bu faktları araşdırmağa çağırır.
İnaşvili əmindir ki, adları qeyd edilən təşkilatlar Gürcüstan-ABŞ münasibətlərinə zərər vururlar.
pia.az