NASA tarixdə ilk dəfə olaraq Marsda oksigen əldə edildiyi barəsində açıqlama verib.
“MOXIE” adlanan xüsusi avadanlıq aprelin 20-də aparılan təcrübə zamanı bir saat ərzində 6 qrama yaxın oksigen istehsal edib. İnsanın 10 dəqiqəlik fəaliyyəti üçün bu miqdarda oksigen kifayət edir. Avadanlıq 1 saat ərzində 10 qrama qədər oksigen istehsal edə biləcək gücə malikdir.
“MOXIE” avadanlığının funksiyalarını sınayan alimlər onu müxtəlif atmosfer şəraitində sınaqdan keçirirlər.
NASA-dan verilən açıqlamaya görə, Marsda oksigen əldə edilməsi texnologiyası perspektivdə astronavtlara raket yanacağı istehsal eləməyə və atmosferi insanların nəfəs alması üçün yararlı vəziyyətə gətirməyə imkan verəcək.(hurriyet.org)
pia.az