Suraxanı rayon İcra Hakimiyyətinin başçısı İlqar Abbasovun Əmircan qəsəbəsində 114 nömrəli tam orta məktəbin akt zalında sakinlərlə növbəti səyyar görüş-qəbulu olub
Görüşdə dövlət orqanlarının yerli idarələrinin və xidmət sahələrinin rəhbərləri, Əmircan qəsəbəsi İƏD üzrə nümayəndəsi, Bələdiyyə sədri iştirak edib.
Rayon İcra Hakimiyyətinin başçısı İlqar Abbasov əvvəlcə sakinlərə Azərbaycan Respublikasının Prezidenti cənab İlham Əliyev tərəfindən qəbul edilmiş, əhalinin sosial müdafiəsinə və rifah halının yüksəldilməsinə yönəldilmiş qərarlar barədə tam dolğunluğu ilə məlumat verib.
Rayon rəhbəri, eyni zamanda cari ilin ötən dövrü ərzində rayonda görülmüş işlər və görülməsi nəzərdə tutulmuş abadlıq-quruculuq işləri barədə də sakinlərə məlumat verib, sakinlərin şikayət və təklifləri dinlənilib. Sakinlər həllini gözləyən problemlər barədə danışıblar.
Səyyar görüş-qəbulda sakinləri narahat edən müxtəlif məsələlərə rayon rəhbəri tərəfindən aydınlıq qətirilib, müvafiq izahatlar verilib və qaldırdıqları məsələlərin həlli istiqamətində əlaqədar qurum və təşkilatların rəhbərlərinə yerindəcə tapşırıqlar verilib və onların həlli nəzarətə götürülüb.
pia.az