Siyəzəndə baş vermiş qəzada 3 nəfər həlak olub

Siyəzəndə 3 nəfərin ölümü ilə nəticələnən avtoqəza olub

Bakı-Quba yolunun Siyəzən rayonunun Yenikənd kəndi ərazisindən keçən hissəsində baş vermiş yol qəzasında 3 nəfər ölüb.

APA-nın şimal bürosunun məlumatına görə, gecə saat 02:00 radələrində baş verən qəzada 38 yaşlı Elxan Şövkət oğlu Əhmədovun idarə etdiyi "Tofaş" markalı avtomobillə yük avtomobili toqquşub.

Nəticədə sürücü - Siyəzənin Böyük Həmyə kənd sakini Elxan Əhmədov, onun sərnişinləri - Siyəzən sakinləri, 26 yaşlı Şamo Zəbiulla oğlu Əliyev, 29 yaşlı Turan Mahir oğlu Əsgərov hadisə yerində dünyasını dəyişib.

Faktla bağlı araşdırmalar davam etdirilir.

pia.az