Azərbaycan Respublikasının Prezidenti cənab İlham Əliyevin Sərəncamına əsasən 2022-ci ilin ölkəmizdə “Şuşa ili” elan edilməsi ilə əlaqədar Şirvan şəhərində də silsilə tədbirlə keçirilir.
24 may 2022-ci il tarixdə Şirvan Şəhər İcra Hakimiyyətinin və Şirvan Əlillərin Regional Bərpa Mərkəzinin birgə təşkilatçılığı ilə “Şuşa ili”nə həsr olunmuş “Qayalar aşdıq, sənə çatdıq” adlı tədbir keçirilib.
Tədbirdə Şirvan Şəhər İcra Hakimiyyəti başçısının müavini Aynur Fərzəliyeva, Əmək və Əhalinin Sosial Müdafiəsi Nazirliyinin Dövlət Tibbi-Sosial Ekspertiza və Rebilitasiya Agentliyinin Keyfiyyətə nəzarət və xidmətin təşkili şöbəsinin müdiri Sevinc Abdullayeva, Şirvan Əlillərin Regional Bərpa Mərkəzinin direktoru Mehriban Siracova, şəhid ailələri, müharibə iştirakçıları, qazilər, əlillər iştirak edib.
Tədbir iştirakçıları əvvəlcə qədim xalça və ev əşyalarının, milli, xüsusilə Şuşa mətbəxinə xas yemək və şirniyyatların, müxtəlif kitabların nümayiş olunduğu sərgi ilə tanış olublar. Əlil olmuş şəxslərin əl işləri iştirakçılar tərəfindən maraqla qarşılanıb.
Tədbir Mərkəzin həyətində davam edib. Azərbaycan Respublikasının dövlət himni səsləndirildikdən sonra ölkəmizin müstəqilliyi, suverenliyi, ərazi bütövlüyü uğrunda və Vətən müharibəsində rəşadət və qəhrəmanlıq göstərərək canından keçən şəhidlərimizin əziz xatirəsi bir dəqiqəlik sükutla yad edilib.
Müzəffər Ali Baş Komandanın 8 noyabr tarixində Şuşanın azad olunmasının elan edilməsi ilə əlaqədar çıxışı səsləndirildikdən sonra II Qarabağ müharibəsinin veteranı Elvin Abbasov üçrəngli dövlət bayrağımızı təntənəli surətdə tədbirə gətirib.
Tədbirdə çıxış edənlər torpaqlarımızın işğaldan azad edliməsi uğrunda 44 günlük Vətən müharibəsində Müzəffər Ali Baş Komandanın rəhbərliyi ilə rəşadətli Azərbaycan Ordusunun göstərdiyi qəhrəmalıq nümunələrindən, Qarabağın baş tacı Şuşanın azad edildiyi günün Zəfər Günü kimi tariximizə qızıl hərflərələ yazılmasından, ölkəmizin mədəniyyət paytaxtı elan edilən Şuşada aparılan abadlıq-bərpa işlərindən, Şuşada keçirilən musiqi festivallarından bəhs ediblər. 2022-ci ilin “Şuşa ili” elan olunmasının hər bir azərbaycanlıda qürur və iftixar hissi yaratdığını bildiriblər.
Sonra şəhər Musiqi məktəbinin kollektivinin ifasında “Qarabağ şikəstəsi”, “Şuşanın dağları”, “Azərbaycan”, “Qarabağ”, “Sən elə bir zirvəsən” mahnıları səsləndirilib.
Fotolar
pia.az
Digərxəbərlər
Populyar xəbərlər
