Bazar, 28 Fevral 2021
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki
En

Silahdaşlığın 100 illiyi: gürcülərlə azərbaycanlılar Tbilisi uğrunda çiyin-çiyinə vuruşdular

1921-ci ilin 18-19 fevral tarixlərində Gürcüstanın azadlığa uğrunda döyüşlər zamanı Tbilisi şəhərini Rusiyanın dəfələrlə üstün olan 11-ci Qızıl Ordusuna qarşı müdafiəsinə Borçalı və Tbilisi müsəlmanlarından ibarət dəstə də qalxmışdı.

“Report.ge” “Respublika” qəzetinə istinadən xəbər verir ki, dəstənin komandiri Yadigarov müsəlman azərbaycanlıların da Gürcüstanın azadlığı və müstəqilliyinə sadiq olduqlarını bildirib.

Nəticədə azərbaycanlıların yardımı sayəsində Gürcüstan ordusu düşmənin hücumunu dəf edərək əks-hücuma keçməklə Tbilisi şəhərinin süqutunu bir həftə yubatmağı bacardı.

Belə ki, fevral ayının 18-da Rusiyanın 11-ci Qızıl Ordusunun ön hissələri Saqanluqayadək irəliləyib. Gürcüstan ordusu, o cümlədən Borçalı və Tbilisi azərbaycanlıları da gecə boyu bolşeviklərin aramsız hücumlarına qarşı qəhrəmanlıqla müdafiə olunaraq sübhdən əks-hücuma keçərək ciddi müvəffəqiyyət qazanırlar. Geri çəkilən rus hərbi hissələri topa tutulur, 1 600 nəfər əsir götürülür. Beləliklə, Gürcüstan ordusu dəfələrlə üstün olan düşmənə qarşı böyük qələbə əldə edir. Bunun sayəsində fevralın 24-dək paytaxtın təhlükəsizliyini təmin etmək mümkün olur.

Həmin gün rus ordusu ehtiyat qüvvələrini də irəli çəkərək Tbilisi istiqamətində irimiqyaslı hücum əməliyyatına başlayır. Vəziyyətin ciddiliyi nəzərə alınmaqla hökumətin Kutaisiyə təxliyəsinə qərar verilir.

Ayın 25-də paytaxtın başı üzərini böyük təhlükə alır. Qızıl ordunun dəfələrlə üstün olduğuna görə Gürcüstan komandanlığı ordunu qoruyub saxlamaq, habelə dinc əhali arasındakı tələfata yol verməmək üçün paytaxtı tərk etmək qərarını verir. Beləliklə, bir həftə davam edən, gürcülərin və azərbaycanlıların çiyin-çiyinə vuruşaraq dastan yazdıqları Tbilisi şəhərinin müdafiəsi başa çatdı.

Tbilisinin süqutundan sonra Rusiya ordusu martın 4-də Suxumini, ayın 9-da Zuqdidi şəhərini tutur. Martın 10-da bolşeviklər tərk edilmiş Kutaisiyə daxil olur, ayın 14-də isə Poti zəbt olunur. Martın 17-də tərəflər arasında atəşkəs sazişi, 18-də Gürcüstanın təslim sənədi imzalanır. Ayın 19-da isə Batumi dinc şəkildə təhvil verilir.

Gürcüstan ordusunun Sovet Rusiyasının dəfələrlə üstün olan hərbi qüvvələrinə qarşı döyüşlərdə göstərdiyi igidlik və qəhrəmanlığa baxmayaraq, müharibə labüd nəticə ilə başa çatdı. Daha əvvəl Azərbaycan kimi Gürcüstan da bolşevik Rusiyasının tam nəzarətinə keçdi.

pia.az


Etiket:
z


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Ələ keçirilən rus sistemi Ankaraya gətirildi – Türkiyə ilə şok anlaşma

Ata Abdullayev ombudsman Səbinə Əliyevaya: "Başıma iş gəlsə, məni qoruyacaqsınız?"

Birinci Qarabağ döyüşündə qətlə yetirilən azərbaycanlıların meyitləri tapıldı - Video

Mərkəzi Klinik Xəstəxananın baş həkiminin qızının ölüm səbəbi məlum oldu

Baş Qərargah rəisi Köçəryana: “İndi gəlib sənin bığlarını kəsərəm!”

Rəsul Quliyevyenə də Azərbaycana qayıtmaq istəyir...

İran Azərbaycan ordusunun məlumatlarını Ermənistana ötürüb    

Paşinyanın evinə girən azərbaycanlı haker - Video

Əhali banklardakı pulları geri çəkir: Nə baş verir?

ABŞ və Rusiyanın Cənubi Qafqaz savaşı: Ağ Ev Türkiyənin də dəstəyi ilə Paşinyanı xilas edir

Ən çox oxunanalar

  • Bu gün
  • Bu həftə
  • Bu ay