Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

“Şərq Tərəfdaşlığı” İndeksi: Avropa İttifaqı reytinqinin liderləri açıqlanıb

Ukrayna və Gürcüstan demokratik islahatlar və avrointeqrasya üzrə “Şərq Tərəfdaşlığı” ölkələri arasında liderdir

Fevralın 26-da “Şərq Tərəfdaşlığı” Vətəndaş Cəmiyyəti Forumunun Brüsseldə təqdim etdiyi “Şərq Tərəfdaşlığı -2017 İndeksi”ndən belə məlum olur, DW müxbiri bildirib.

“Ümumilikdə “Şərq Tərəfdaşlığı”na daxil altı ölkə haqda danışırıqsa təəssüf ki, islahatların lazımi şəkildə irəlilədiyini deyə bilmərik. Ancaq nikbinlik üçün əsas və bəzi uğurlar var”, – Litvanın Aİ-dəki daimi nümayəndəliyindən Anastasiya İsmayılova qeyd edib. Əsasən demokratiyanın səviyyəsi ilə bağlı ən pis göstəricilər Belarus və Azərbaycandadır. Ukrayna və Moldova biznes mühitə görə geri qalırlar.

İndeks iki meyarı əhatə edir. Birincisi, Aİ ilə yaxınlaşma. Bu, hər ölkənin Aİ normalarını və beynəlxalq standartları necə qəbul etdiyini əks etdirir.

Burada lider Ukraynadır (indeks 0,73). Onun ardınca Ermənistan (0,66), Moldova (0,65), Gürcüstan (0,64), Azərbaycan (0,56) və Belarus (0,52) gəlir.

Bu meyar bu və ya digər ölkələrdə demokratiyanın səviyyəsinin beynəlxalq standartlara nə dərəcədə uyğun olduğunu, Aİ normalarının necə tətbiq edildiyini və ölkələrin davamlı inkişaf məqsədinə necə nail olduğunu ortaya qoyur.

İlk iki göstərici üzrə Ukrayna liderlik edir. Davamlı inkişafda isə birinci yerdə Azərbaycandır.

İkinci kateqoriya hər bir ölkənin Aİ ilə nə dərəcədə sıx kontaktda olduğunu göstərir. Söhbət hökumətlər arasında, iqtisadi və vətəndaşlar arasındakı əlaqələrdən gedir. Burada birinci yerdə Gürcüstan və Moldova gəlir – indeks 0,71. Sonra Ukrayna (0,66), Ermənistan (0,50), Azərbaycan (0,47) və Belarus (0,45) gəlir.

“Şərq Tərəfdaşlığı” proqramı iştirakçısı olan və Aİ üzvü ölkələrindən vətəndaş cəmiyyəti təşkilatlarını birləşdirən Forum belə indeksi 2011-ci ildən dərc edir.

“Şərq Tərəfdaşlığı” proqramı 2009-cu ildə Aİ tərəfindən Brüssel ilə fəal əməkdaşlıq edən altı Şərqi Avropa ölkəsi üçün nəzərdə tutulub. (Turan.az)

pia.az



Şərh yazın.


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Azərbaycanda taksilərdə gediş haqqı lövhəsinin nümunəvi forması açıqlanıb

Ən çox oxunanalar