Çərşənbə axşamı, 19 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Sergey Markov: “Rusiya hərbi yolla müdaxilə etməyəcək”

Rusiya Azərbaycanla Ermənistan arasındakı qarşıdurmanı dayandırmaq və danışıqlara keçmək üçün fəal diplomatik səylər göstərəcək, ancaq hərbi yolla müdaxilə etməyəcək.

Bu barədə Rusiyanın tanınmış ictimai xadimi, politoloq, Siyasi Araşdırmalar İnstitutunun baş direktoru Sergey Markov Ermənistan-Azərbaycan qoşunlarının təmas xəttindəki döyüşləri özünün “Facebook” səhifəsində şərh edərkən bildirib.

“Döyüşlər başladı. Rusiyanın mövqeyi necə olacaq? 

1. Rusiya sülh tərəfdarıdır və heç bir müharibə istəmir.

2. Rusiyanın həm Azərbaycan, həm də Ermənistanla çox yaxşı münasibətləri var. Rusiyanın daxilində Rusiya vətəndaşı olan çoxmilyonluq erməni və Azərbaycan diasporları var. Onlar Rusiya vətəndaşıdırlar. Ölkələrini dəstəkləmək üçün sərt mövqedədirlər. Rusiyanın daxilində onların aralarında qarşıdurmalar mümkündür. Bu yaxınlarda da olmuşdu. Erməni diasporu, xüsusən mediada və hökumət strukturlarında daha nüfuzlu bir yer tutur.

3. Ermənistan KTMT üzvüdür və Rusiyanın bununla bağlı öhdəlikləri var. Ancaq Dağlıq Qarabağ qarşısında yoxdur.

4. Rusiya Dağlıq Qarabağı Azərbaycanın tərkib hissəsi kimi tanıyır və dəfələrlə bildirib ki, Dağlıq Qarabağ ərazisindəki döyüşlər Ermənistanın ərazisinin pozulması demək deyil və KTMT mexanizmini əhatə etmir.

5. Rusiya AzərbaycanErmənistan arasında “Kazan düsturu” adlanan böyük bir kompromisin təşəbbüskarı kimi çıxış etdi. Buna görə Ermənistan iqtisadi de-blokada və demilitarizasiya qarşılığında Dağlıq Qarabağ ətrafındakı bölgələri Azərbaycana ötürür. Bu müqavilə 95 faiz hazırdır. Ancaq yenə də onu imzalamağa cəsarət çatmır. Paşinyanın bu vəziyyətdə devrilə biləcəyindən və hətta radikallar tərəfindən partladılmasından qorxduğu düşünülür.

6. İndi Azərbaycan iqtisadiyyatı Ermənistan iqtisadiyyatından bir neçə dəfə güclüdür. Və Azərbaycan ordusu da çox güclənib.

7. Rusiya hər iki ölkəyə silah verir. Ermənistan üçün daha ucuz, Azərbaycan üçün daha çox.

8. Son həftələrdə Kürdüstan Fəhlə Partiyasının kürd hərbi birləşmələrinin Ermənistan tərəfində döyüş əməliyyatlarına qatılmaq üçün Suriyadan Dağlıq Qarabağ bölgəsinə köçürülməsi barədə çox məlumat var. Türkiyə isə dəfələrlə Azərbaycana hərbi yardım göstərməyə hazır olduğunu bəyan edib.

9. Rusiyada Ermənistana yaxşı, Ermənistanın başçısı Nikol Paşinyana isə tənqidi münasibət bəsləyirlər. O, Amerikanın casusu hesab edilir. O, “Soros” fondlarından bir çox insanı Ermənistan hökumətinin tərkibinə və parlamentə daxil edib. Paşinyan erməni generalın - KTMT katibinin həbsi üçün gizli əmr verib. Paşinyan Rusiyanın Ermənistandakı dostlarını və hətta Putinin şəxsi dostu Robert Köçəryanı həbs edib. Paşinyan təzəlikcə “Çiçəklənən Ermənistan”ın rəhbəri, tanınmış Rusiya meyilli siyasətçi oliqarx Gagik Tsarukyanı həbs edib.

10. Putinin Əliyevlə əla şəxsi və siyasi münasibətləri var.

11. BMT Dağlıq Qarabağın Azərbaycanın tərkib hissəsi olduğuna dair bir çox qətnamə qəbul edib. Rusiya BMT-ni və bütün ölkələrin bütün hərəkətlərinin BMT-dən keçməsini tam dəstəkləyir. Putin bunu bir neçə gün əvvəl BMT Baş Assambleyasında etdiyi müraciətində təkrarlayıb.

12. Rusiya münaqişəni dayandırmaq, sülh və danışıqlara doğru getmək üçün aktiv diplomatik səylər göstərəcək. Ancaq hərbi şəkildə müdaxilə etməyəcək”.

pia.az




Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Bukingem sarayı kral III Çarlzın ölüm xəbərini təkzib edib - Yenilənib

Məşhur avtomobil markasının Azərbaycanda istehsal tarixi açıqlandı 

Tacir Şahmalıoğlu: “Evliliyim alınmadı, boşandım”

Nömrəsini sərnişinə vermək istəyən sürücü cəzalandırıldı - Açıqlama

“Qarabağ”ın baş məşqçisi cəzalandırılıb

Prezident Xankəndidə Novruz tonqalını alovlandırıb, xalqı təbrik edib - Yenilənib

Növbəti köç karvanı Füzuli şəhərinə çatıb, mənzillərin açarları təqdim olunub - Yenilənib

Ramazan ayının doqquzuncu gününün imsak, iftar və namaz vaxtları    

Ən çox oxunanalar