Senator Con Makkeyn vəfat edib

PİA.az xarici mətbuata əsasən xəbər verir ki, Amerikanın beyin xərçəngindən əziyyət çəkən respublikaçı senatoru Con Makkeyn 81 yaşında dünyasını dəyişib. Bu barədə senatorun ofisinin bəyanatında deyilir.

Mərhum senatorun ofisindən yayılan məlumatda bildirilir ki, "o, ölüm anına qədər 60 il müddətində ABŞ-a sədaqətıə xidmət edib".

Makkeyn 2017-ci ildən beyin xərçənginin aqressiv şəkli olan qlioblastoma ilə mübarizə aparırdı. Cümə günü yaxınları onun müalicədən imtina etdiyini bildirmişdilər.

Xatırladaq ki, gənclik illərində hərbi pilot olan Con Makkeyn Vyetnam müharibəsinin qəhrəmanı idi. O 5 il yarım il müddətində Vyetnam əsirliyində qalmışdı və senator oğlu olduğuna görə təbliğat naminə onu azad etmək isyəyən vyetnamlıların təklifini rədd etmişdi. Makkeynin Vyetnamdakı qəhrəmanlıqları barədə kitablar yazılıb, filmlər çəkilib.

O uzun illər idi ki, ABŞ Senatında Arizona ştatını təmsil edib. Makkeyn qızğın Amerikan vətənpərvəri kimi tanınıb. 2008-ci ildə Respublikaçılar Partiyasından prezidentliyə namizəd olub, lakin Barak Obamaya uduzub.

Makkeyn qatı Rusiya əleyhdarı olub. Qızğın Respublikaçı olmasına baxmayaraq hazırkı prezident Donald Trampın ən qatı əleyhdarlarından biri olub. Rusiyaya qarşı radikal tədbirlərin həyata ke irilməsinin tərəfdarı olan Makkeyn Moskvaya qarşı bir çox sanksiyaların təşəbüsçüsü kimi çıxəş edib. Trampın Rusiya prezidenti Vladimir Putinlə Helsinki görüşündən sonra Makkeyn bu görüşü "faciəvi səhv" adlandırmışdı.

Makkeynin vəfatı ilə bağlı ABŞ prezidenti Donald Tramp və sələfi Barak Obama başsağlığı mətni yayıblar.

pia.az