Şamaxı rayonunda mənzildən oğurluq edən şəxs tutulub.
APA-nın yerli bürosunun xəbərinə görə, Şamaxı şəhəri, H. Cavid küçəsi ev 19A, mənzil 2 ünvanında yaşayan Mamedzadə Mustafa Surxay oğlu rayon polis şöbəsinə müraciət edərək ona məxsus evdən ümumi dəyəri 14 650 manat olan qızıl-zinət əşyalarının oğurlanması barədə məlumat verib.
Polis əməkdaşları tərəfindən keçirilən əməliyyat-axtarış tədbirləri zamanı hadisəni törətməkdə şübhəli bilinən şəxs, Ağdam rayonunun Muradbəyli kəndindən olan məcburi köçkün, Şamaxıda yataqxanada məskunlaşan, 1995-ci il təvəllüdlü Nağıyev Ruslan Sərdar oğlu polis əməkdaşları tərəfindən saxlanıb.
Araşdırma zamanı məlum olub ki, o, usta kimi həmin evdə istilik sistemini təmir edərkən yataq otağından qızıl-zinət əşyalarını oğurlayıb.
Faktla bağlı Şamaxı rayon Polis Şöbəsi tərəfindən cinayət işi başlanılıb, araşdırma aparılır.
pia.az
Digərxəbərlər
Populyar xəbərlər
