Salyan rayonunda piyadanın vurulması ilə nəticələnən yol-nəqliyyat hadisəsi baş verib.
“Report”un Aran bürosu xəbər verir ki, hadisə bu gün axşam saatlarında köhnə Ələt-Astara magistral yolunun rayonun “PMK-23” adlanan ərazisindən keçən hissəsində qeydə alınıb.
Belə ki, yolu keçmək istəyən Salyan şəhər sakini, 1956-cı il təvəllüdlü Abışov Rafiq Abdulla oğlunu minik avtomobili vurub. Müxtəlif bədən xəsarətləri alan piyada Salyan Mərkəzi Rayon Xəstəxanasına yerləşdirilib.
Faktla bağlı araşdırma aparılır.
pia.az