Rusiyanın Sverdlovsk şəhərində koornavirusun ilk qurbanı azərbaycanlı iş adamı olub

O, həmin vilayətdə virusun ilk qurbanıdır.

PİA.az Rusiya mənbələrinə istinadən xəbər verir ki, Natiq adlı həmin sahibkarın ölümü haqda onun tanışları bildirib. Bildirilir ki, sahibkar pnevmoniya diaqnozu ilə xəstəxanaya daxil olub və orda keçinib. Meyitin yarılması nəticəsində məlum olub ki, o koronavirusa yoluxubmuş.

"Vida mərasimindən sonra onun cənazəsini vətəni Azərbaycana apardılar. Ölənin adı Natiq idi, onu Krasnoufimsk şəhərinin sakinlərinin yarısı tanıyırdı. Vida mərasiminə çox adam gəlmişdi”,-yerli sakinlərdən biri E1.ru portalına bildirib.

Natiqin tanışı deyib ki, Krasnoufimskdə onun dul qalmış arvadı və qardaşı yaşayır. Mənbə cənazənin dünən aprelin 17-də Azərbaycana yola salındığını deyib. Lakin diaqnozu elan edəndən sonra ölənin meyitini sərhəddə sanitar zonada saxlamaq istəyirlər.

Sverdlovsk vilayətində koronavirusdan ilk ölüm faktının qeydə alındığı haqda bundan əvvəl qubernator Yevgeni Kuyvaşev açıqlamışdı.

Yerli sakinlər deyiblər ki, Natiqin 54 yaşı olub və o, fərdi sahibkarlıqla məşğul idi, meyvə-tərəvəz alveri edirdi. Tez-tez Moskvaya, Kazana və Sankt-Peterburqa gedib-gəlirdi. (Virtualaz.org)

pia.az