Rusiyanın koronavirus vaksini uşaqlar üzərində sınaqdan keçiriləcək

Rusiya istehsalı olan "Sputnik V" koronavirus vaksini yaxın zamanlarda uşaqlar üzərində sınaqdan keçiriləcək.

PİA.az Trend-ə istinadən bildirir ki, bunu Rusiyanın Epidemiologiya və Mikrobiologiya Mərkəzinin direktoru Aleksandr Gintsburq deyib.

Onun sözlərinə görə, sınaqlarda uşaqlar könüllülük əsasında iştirak edəcək. Prosesdə ilk mərhələdə böyük, daha sonra azyaşlı uşaqların iştirakı planlaşdırılır. Vaksin uşaqlara burun yolu ilə yeridiləcək.

Qeyd edək ki, Rusiya avqustun 11-də dünyada ilk dəfə koronavirus vaksinini qeydiyyatdan keçirib.

pia.az