“Rusiyanın bütün nüvə potensialı üzərində nəzarət yaradılmalıdır” – Mark Esper

“Nüvə silahı Rusiyanın aqressiyasını durdurmağın ən yaxşı yoludur. Birləşmiş Ştatlar Strateji hücum silahlarının ixtsar edilməsi haqqında sazişin (2011-ci ildə imzalanıb-red.) müddətinin uzadılması sayəsində Rusiyanın bütün nüvə potensialı üzərində nəzarət yaratmağa çalışır”.

Musavat.com xarici agentliklərə istinadla xəbər verir ki, bu fikirləri ABŞ müdafiə naziri postuna yeni təyin olunmuş Mark Esper Senatdakı dinləmələr zamanı çıxışında səsləndirib. O, Konqres tərəfindən təsdiqlənəcəyi təqdirdə görəcəyi işlər barədə yuxarı palatanın üzvləri qarşısında çıxış edib.

Senatorların suallarına verilən yazılı cavabları özündə birləşdirən 117 səhifəlik sənəddə “Rusiya” və “rus” kəlmələrinə 110 dəfə rast gəlinir. Müqayisə üçün M.Esper Çini 74, İranı 33, Şimali Koreyanı isə, cəmi 14 dəfə yada salıb.

Gələcək nazirin fikrincə, Rusiya Afrika və Arktika daxil olmaqla bütün qitələrdə, habelə kiberməkanda və kosmosda Birləşmiş Ştatların strateji düşmənidir. Mark Esper gələcəkdə Rusiyanın seçkilərə qarışmaqla bağlı bütün cəhdlərinə qarşı mübarizə aparacaqlarının, Ukraynaya uzunmüddətli hərbi yardım göstərəcəklərinin anonsunu da verib. Bundan başqa o, Moskva və Pekini amerikan texnologiyalarını oğurlamaqda təqsirləndirib.

Mark Esper Rusiyanın qarşısının alınmasının əsas faktoru olaraq nüvə silahını göstərib: “Mənim fikrimcə, döyüş qabiliyyətli nüvə güclərinin birləşməsi rusları dayandırmağın etməyin ən effektiv yoludur. Bu məsələdə hər hansı şişirtmə olmadan söyləyə bilərəm ki, ABŞ və NATO-nun yüksək dəqiqliyə, manevr qabiliyyətinə malik hərbi qüvvələri düşmən üçün olduqca qorxulu təsir göstərir” -deyə, o bildirib.

Onun sözlərinə görə, ABŞ Avropadakı müttəfiqləri ilə fəaliyyətini uyğunlaşdıraraq effektli şəkildə Kremlin hücumlarını dəf edə bilər. Məhz buna görə Strateji hücum silahlarının ixtisar edilməsi üzrə tədbirlər haqqında saziş”in müddətinin uzadılmasına nail olunmalıdır.

Mark Esper bu gün Rusiyanın əlindəki 2000 qeyri-strateji nüvə raketindən ibarət aktiv ehtiyatını gəmilərdə, sualtı qayıqlarda və döyüş təyyarələrində, habelə raket əleyhinə müdafiə sistemlərinə yerləşdirə biləcəyindən söhbət açıb. Onun bildirdiyinə görə, Kremlin əlindəki nüvə arsenalının hamısı beynəlxalq hüquqi çərçivədə nəzarət altına alınmalıdır.

Yeni müdafiə naziri Rusiyanın qeyri-strateji nüvə silahlarını ixtisar etmək barədə ABŞ-ın təkilflərini geri çevirdiyini təəssüflə qeyd edib.

Mark Esper ABŞ-ın qüvvəsini dondurduğu Orta və kiçik mənzilli raketlərin ləğvi barədə (1987-ci ildə imzalanıb-red.) sazişə də toxunub. “Əgər Rusiya 2019-cu ilin avqustun 2-nə qədər həmin müqavilə ilə öhdəliklərini icra etməsə, ABŞ yerüstü orta mənzilli raket sistemlərinin hazırlanmasına başlayacaq. Bu anlaşmanın icra edilməməsi müttəfiqlərimizin bizim qərarlılığımıza olan inamını sarsıda bilər” – deyə o, sonda vurğulayıb.

pia.az