Son sutkada Rusiyada koronavirusdan 357 ölüm faktı qeydə alınıb.
"Report" xəbər verir ki, bu barədə ölkənin Koronavirusun yayılmasına qarşı Mübarizə üzrə Operativ Qərargahından bildirilib. Qeyd olunur ki, bununla da COVID-19-dan ölənlərin ümumi sayı 126 430 nəfərə çatıb.
"Son sutkada 357 ölüm faktı təsdiqlənib. Rusiyada bütün dövr ərzində 126 430 nəfər (koronavirusdan-red) ölüb", - məlumatda bildirilir.
Məlumata görə, paytaxt Moskvada 69 nəfər, Sankt-Peterburqda 48 pasiyent koronavirusun qurbanı olub.
pia.az