Rusiyada duz son 16 ildə ən yüksək qiymətə qalxıb. Aprel ayından başlayan bahalaşma hələ də davam edir, üstəlik məhsul qıtlığı var.
Minpromtorq bunun səbəbini kütləvi ajiotajda görür. Ötən aydan insanlar duzu tələbatlarından çox almağa başlayıb.
Martda 1 kq duzun qiyməti 24% artıb, apreldə isə bu həyati vacib məhsulun dəyəri 32% yüksəlib.
Axırıncı dəfə duz 16 il əvvəl 2 rubl bahalaşmışdı.
Həmin dövrdə də buna səbəb Ukrayna ilə konflikt göstərildi.
Qeyd edək ki, Rusiya bazarlarında Ukrayna duzunun payı 40%-dən çoxdur.
2006-cı ildə cəmi bir ay ərzində aylıq ehtiyat bir neçə gündə alınıb bitdi. Qiymət 58% bahalaşmışdı.
Hazırkı defisiti də martdan Ukraynaya hərbi müdaxilənin yaratdığı bildirilir. İnsanlar illik ehtiyatını bir ayın içində alıb. Ruslar Ukrayna ilə vəziyyətin 16 il əvvəldə olduğu kimi duz defisitinə səbəb olacağını düşünür.
Rəsmilər isə hazırda piştaxtalarda kifayət qədər duzun olduğunu bildirir.
Rusiya özü duz istehsal edir, 2021-ci ildə ümumi 1,5 milyon ton duz istehsal olunub. Bu da tələbatın 60%-i deməkdir. İmport duzlar isə yerli əhali tərəfindən elə də çox alınmır. Hazırda əsas duz təminatçısı Qazaxıstan və Belarusdur.(bakupost)
pia.az