Roma Papası Fransisk "Barselona"nın hücumçusu Lionel Messinin futbol Tanrısı adlandırılmasına münasibət bildirib
Yerli telekanallardan birində qonaq olan argentinalı din xadimi argentinalı superulduzun bu cür çağırılmasının düzgün olmadığını söyləyib:
"Bu, nəzəri cəhətdən ola bilər. Ancaq belə danışmaq yolverilməzdir. Şəxsən mən Messinin Tanrı olduğuna inanmıram. Siz inanırsınız? İnsanlar onu Tanrı adlandıra bilərlər. Necə ki, bir-birilərinə "Səni sevirəm" deyirlər. Ancaq yalnız Tanrıya ibadət edirlər. Yəni, bu, sırf onların fikirləridir. "O, topla meydançada Tanrıdır" - bu, öz fikrini ifadə etmək üçün populyar vasitədir. Əlbəttə, Messi əla futbolçudur, amma Tanrı deyil".
Qeyd edək ki, Papa Fransisk Argentinanın "San-Lorenso" klubunun azarkeşidir.(teleqraf.com)
pia.az