Çərşənbə, 20 Yanvar 2021
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

“Revanşizm Ermənistan üçün boş xəyaldır...” 

"Kommunikasiyaların açılması, Naxçıvanla Azərbaycan arasında dəmir yolunun və avtomobil yolunun bərpası artıq sözdə yox, sənəddə öz əksini tapdı. Bu iş başlasın artıq, komissiya yaradılsın, görüşsünlər. Prinsip etibarilə Qarabağ torpaqları azad olunandan sonra Azərbaycanla Ermənistan arasında münasibətlərin getdikcə sürətlənməsi, müxtəlif səviyyələrdə görüşlərin keçirilməsi qaçılmazdır. Bu proses davam edəcək və yanvarın 11-də onun yeni bir mərhələsi başladı".

PİA.az xəbər verir ki, bu sözləri Milli Məclisin Beynəlxalq münasibətlər və parlamentlərarası əlaqələr komitəsinin üzvü Sabir Rüstəmxanlı Moskva görüşünün nəticələrini "Turan" agentliyinə şərh edərkən bildirib.

Deputat hesab edir ki, yekun bəyannamə ölkənin maraqlarına cavab verən bir sənəddir. S.Rüstəmxanlı N.Paşinyanın "münaqişə həll olunmayıb" sözlərinə fikir bildirərkən qeyd edib ki, Ermənistan indiki vəziyyətlə barışmalıdır.

Onun sözlərinə görə, 1988-ci ildə Ermənistan Azərbaycan rəhbərliyinin səhvlərindən istifadə edib bu oyunu başladı: "Azərbaycan rəhbərliyi əhalinin evindən ov tüfənglərini yığdı... İndi 30 il keçib. Azərbaycan əvvəlki Azərbaycan deyil. Ordu var, sərhədçilər var. Revanşizm Ermənistan üçün boş xəyaldır".

S.Rüstəmxanlının fikrincə, Ermənistan gələcəyi düşünürsə, Azərbaycan və Türkiyə ilə sülh şəraitində yaşamalı, sərhədlərin açılmasında maraqlı olmalıdır.

ABŞ-ın Ratqers Universitetinin professoru Qubad İbadoğlu isə "Azadlıq" radiosuna bildirib ki, yanvarın 11-də imzalanmış bəyanat keçən ilin noyabrın 10-da imzalanmış sənədin 9-cu bəndinin həyata keçirilməsi üçün bir tədbirlər planıdır: "Burada daha konkret fəaliyyətlər nəzərdə tutulub, reqlamentlər var."

Ekspert hesab edir ki, bu məsələdə Rusiyanın maraqları var: "Həm mövcud olan, həm yeni yaradılan infrastrukturun Rusiya nəzarətinə keçirilməsidir. Rusiyanın Azərbaycan, Ermənistan ərazisindən keçən nəqliyyat infrastruktur layihələrinin üzərində hökmran mövqeyinin təminatıdır. Bunun üçün Rusiya öz məqsədlərinə uyğun gələn addımları atır".

Q.İbadoğlunun fikrincə, regionda müharibə ehtimalı qalmaqdadır: "Çünki ortalıqda atəşkəs razılaşması var, sülh müqaviləsi yoxdur. Münaqişə tərəfləri mövcud razılaşmadan narazıdırlar. Amma nəzərə almaq lazımdır ki, münaqişənin nizamlanmasında vasitəçiliyi edən tərəf hal-hazırda müharibə əhval-ruhiyyəsində deyil. Düşünmürəm ki, yaxın zamanlarda o müharibəyə imkan versin".

Q.İbadoğluna görə, indi Ermənistan da müharibə aparmaq gücündə deyil. "Onun ordusu da, iqtisadiyyatı da çox zəif bir formadadır. Amma bir müddət ərzində Ermənistan müharibəyə hazırlaşaraq bu münaqişəni müharibəyə çevirə bilər".

Q.İbadoğlu bildirib ki, Rusiya artıq regionda öz mövqelərini möhkəmləndirib: "Rusiyanın orada olması artıq hər şey deməkdir. Rusiya qoşunları girdi içəri, deməli, Rusiya hakimiyyəti ordadır, hökuməti ordadır, güc strukturları ordadır".

Onun fikrincə, Rusiya tələsir: "Çünki ona lazımdır ki, gücünü həm də beynəlxalq miqyasda göstərsin. Göstərsin ki, həqiqətən o, Cənubi Qafqazda yeganədir, onun alternativi yoxdur, məsələləri o tənzimləyir..."

Q.İbadoğluna görə, Rusiya həm də ona görə tələsir ki, beynəlxalq qüvvələrin nisbətində müəyyən dəyişikliklər gedir: "Artıq ABŞ-da yeni prezident seçilib, Bayden hakimiyyətə gəlib və səkkiz gün sonra fəaliyyətə başlayacaq. O cümlədən koronavirus pandemiyası təsirindən qlobal iqtisadiyyat fövqəldövlətlərin güclərini bir az da tarazlaşdırır. Söhbət ABŞ-la Çindən gedir. Amerikanı zəiflədib, Çini isə gücləndirib. Rusiyanın da öz maraqları var. Xüsusilə də Şimal-Cənub nəqliyyat dəhlizi üzərində nəzarət imkanlarını gücləndirmək marağı belə strukturların yaradılması və onun tez bir zamanda icrasını vacib edib".

pia.az


Etiket:


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Ermənilər yolu bağladı, rus general “Artsax” dedi - Sülhməramlıların yeni “tamaşası” -Video

Prezident döyüşən zabitləri təltif edir, Xanlar Vəliyev isə həbsə göndərir

Məhərəm Əliyev ermənilərə pasport verən şəxsi işdən çıxarmışdı, Ramiz Mehdiyev isə vəzifə verdi

Toylarla bağlı mühüm açıqlama: "Ramazan bayramından sonra.."

Oliqarx məmur Kəmaləddin Heydərovun ailə biznesinə yaxın şirkətlər ləğv edilir

Cahangir Əsgərova məxsus şirkətlərin siyahısı

Qarabağa zorla köçürülən ermənilər geri qaçır - Yalan statistikanın gerçək tərəfləri

“Mən də insan idim…” – Əli Həsənov günahını yumağa başladı

“Yeni Azərbaycan Partiyasının adına utanıram ki, Siyavuş Novruzov kimi üzvü var”

“Bizə deyirdilər ki, Ramiz Mehdiyevdən başqa kimi istəyirsiniz söyün” - Hafiz Hacıyev

Dollar yanvarın 21-də bu qiymətə satılacaq - Rəsmi

loading...

Ən çox oxunanalar