Cümə axşamı, 27 İyun 2019
USD : 1.7
EUR : 1.996
Hava
+6 ° Baku
-0 ° Quba
-0 ° Qusar
+4 ° Gəncə
+5 ° Lənkəran
+3 ° Naxçıvan
+6 ° Salyan
+3 ° Şəki

Rəssamımız iki qitə arasında “Ağ körpü” saldı - Foto

Xalq rəssamı, Əməkdar elm xadimi, Azərbaycan Dövlət Mədəniyyət və İncəsənət Universitetinin kafedra müdiri, UNESCO nəzdindəki Dünya İncəsənət Akademiyasının həqiqi üzvü və akademiyanın Azərbaycan Nümayəndəliyinin rəhbəri, professor Arif Əzizin İstanbulda fərdi sərgisi açılıb

İstanbulun Üsküdar Bələdiyyəsinin hazırladığı layihə əsasında martın 6-da “Galeri Nev - Nevmekan Sahil” qalereyasında açılan və Arif Əzizin yaradıcılığının müxtəlif dövrlərinə aid əsərlərin sərgiləndiyi “Ağ körpü” adlı sərgidə Türkiyə ictimaiyyəti, mədəniyyət və incəsənət xadimləri, sənətsevərlər, media nümayəndələri iştirak edib.

Açılış mərasimində çıxış edən Üsküdar Bələdiyyəsini sədri Hilmi Türkmən İstanbulun tarixi bölgələrindən birində dünya miqyasında tanınmış rəssam Arif Əzizin “Ağ körpü” adlı rəsm sərgisini açılışını etməkdən qürur duyduğunu bildirib.

Professor Arif Əziz bu əhatəli tədbiri təşkil edənlərə minnətdarlığını bildirib:

“60 illik yaradıcılıq həyatımda ağ rəng həmişə əsərlərimin əsas simvolu olub. Məhz bu rəng vasitəsiylə mən əsərlərimdəki sülh, dostluq, qardaşlıq, əmin-amanlıq, insan haqları, əməyə hörmət kimi bəşəri məsələləri dünya ictimaiyyətinə çatdırmağa çalışmışam. İki qitədə yerləşən İstanbuldakı növbəti sərgimdə də dünyaya ağ rəng vasitəsiylə daha dərin mesajlar verdiyimə inanıram”.

Qeyd edək ki, “Ağ körpü” adlı sərgi aprelin 12-nə qədər davam edəcək. (Kult.az)

pia.az


Şərh yazın.

loading...