Şənbə, 19 Oktyabr 2019
USD : 1.7
EUR : 1.8724
Hava
+25 ° Baku
+19 ° Quba
+12 ° Qusar
+24 ° Gəncə
+16 ° Lənkəran
+23 ° Naxçıvan
+26 ° Salyan
+23 ° Şəki

Rəqabət Məcəlləsi nə vaxt qəbul ediləcək? 

“Rəqabət Məcəlləsi nəhayət ki, “Strateji yol xəritəsi”nən salınıb və 2019-2020-ci illərdə qəbul olunmalıdır”...

Bu sözləri EkoNews-a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov deyib.

Deputatın sözlərinə görə, hazırda qanun layihəsi üzərində ciddi iş gedir: “Layihənin hələlik Milli Məclisə təqdim etməmişik, amma bu yaxınlarda təqdim etməyi düşünürük”.


Vahid Əhmədov bildirib ki, qanun layihəsi Milli Məclisə təqdim edildikdən sonra ilk oxunuşda qəbul ediləcəyi gözlənilir: “Çünki bu məcəllə çox vacibdir. Bazar iqtisadiyyatı olan dövlət üçün, inhisarçılığı və monopoliyanı aradan qaldırmaq üçün bu məcəllənin qəbul edilməsi vacibdir”.

Qanun layihəsinin qəbulunun uzun illərdir yubanmasının səbəbləri barədə danışan deputat bunu beynəlxalq maliyyə qurumlarının sənədlə tanışlıq prosesinin çox çəkməsi ilə əlaqələndirib.

Rəqabət Məcəlləsinin Milli Məclisin payız sessiyasında müzakirəsi haqqında danışan Vahid Əhmədov qanun layihəsinin hələlik təsdiq edilərək gündəliyə salınmadığını, ancaq Komitə iclasında məsələyə toxunduğunu və baxılmasını istədiyini bildirib.

Məcəllənin qəbul ediləcəyi tarix haqqında danışan deputat qanunun bu ilin axırına və ya gəlin ilin əvvəlinə qədər qəbul edilməsinin gözlənildiyini bildirib.

pia.az

Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627


Şərh yazın.

loading...

Ən çox oxunanalar