Bu gün görkəmli Azərbaycan aktyoru, Azərbaycanın xalq artisti Rasim Balayevin 70-ci doğum günüdür
Cebhe.info yubileylə əlaqədar olaraq onunla əlaqə saxlayıb. Rasim Balayev bildirib ki, yeni yaşından ən çox istədiyi sağlamlığıdır:
“Mənim üçün sağlamlıq vacibdir, çünki o yerində olsa, qalan hər şey yaxşı olacaq. Bundan başqa arzulayıram ki, bir neçə yaxşı filmlər olsun və indiyə qədər yığılan sözlərimi tamaşaçılara çatdırım”.
Qeyd edək ki, R.Balayev 8 avqust 1948-ci ildə Ağsu rayonunda anadan olub. 1965-ci ildə Ağsuda orta məktəbi, 1969-cu ildə isə Azərbaycan Dövlət İncəsənət İnstitutunu bitirib. Rasim Balayev ilk dəfə Bakı kinostudiyasında "Ulduzlar sönmür" əsərində kiçik bir rolda çəkilib. Oynadığı "Nəsimi", "Babək" və "Dədə Qorqud" filmlərindəki rollarda tamaşaçıların sevgisini qazanıb.
Həmçinin "Azərbaycanfilm" kinostudiyasının nəzdində fəaliyyət göstərən kinoaktyor teatr studiyasında da çalışıb. Böyük və çətin rollardan əlavə Rasim Balayev "Bu şirin söz, azadlıq", "Sənin birinci saatın", "Xoşbəxtlik səhnəsi", "Mən hələ qayıdacağam", "Birisigün gecəyarısı" kimi filmlərdə epizodik rol oynayıb.
pia.az