Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Qurbanı uşaqların gözü qarşısında kəsməyin

İlahiyyatçı əhaliyə səsləndi

Qurban bayramında heyvanların kütləvi şəkildə uşaqların gözü qarşısında kəsilməsi onların psixologiyasına mənfi təsir edə bilər.

Bunu ilahiyyatçı İsmayıl Əhməd bildirib.

O qeyd edib ki, İslam dünyasının əsas iki bayramından biri olan Qurban özünəxas qaydaları ilə məhz Məkkədə qeyd olunur:

“Məkkədə heyvanların yaşı, cinsiyyəti və kəsilmə qaydaları ilə bağlı xüsusi şərtlər var. Orada hər bir heyvanın yaşına fikir verilir. Qoyun altı aylıqdan, inək və dəvə isə bir yaşdan yuxarı olanda kəsilə bilər. Həmçinin Məkkədə kəsilən qurban mütləq erkək olmalıdır. Çünki şəriət qaydalarına əsasən, dişi heyvanın kəsilməsinə icazə verilmir.

Bizdə isə bəzi şərtlərə əməl olunmur. Azərbaycanda heyvan yaşından və cinsiyyətindən asılı olmayaraq kəsilə bilər. Əgər kimsə bayramda erkək heyvan kəsməyi niyyət edibsə, bunu etməlidir. Amma heç bir niyyəti yoxdursa, sadəcə ənənəvi olaraq Qurban bayramında ehsan nöqteyi-nəzərindən qurban kəsmək istəyirsə, istənilən yaşda qoyun və ya inək kəsə bilər. Hətta imkanı olduğu təqdirdə, dəvə də kəsə bilər”.

İ.Əhməd deyib ki, bayramda qurban əti, əsasən, imkansız ailələrə verilməlidir:

“Qurban kəsənin ehtiyacı varsa, ətin bir hissəsini özünə götürə bilər. Şəriətdə xüsusi çəki və ya bölgü yoxdur. Qurban ətinin böyük bir hissəsini ehtiyacı olanlar arasında bölmək lazımdır. Amma bölgü zamanı nəzərə almaq lazımdır ki, həmin qurban ətindən bir qazan yemək bişirmək mümkün olsun.

İlahiyyatçı vurğulayıb ki, Azərbaycanda, əsasən, imkanlı şəxslər qurban kəsirlər, lakin çox vaxt bir-birilərinə paylayırlar:

“Amma qurban əti, əsasən, əhalinin aztəminatlı təbəqəsinə verilməlidir. Yəni aylarla, günlərlə ət yeyə bilməyən insanlara verilməsi savabdır. Eyni zamanda, bir çox insanların birləşib birgə qurban kəsməsinə də dini baxımdan icazə verilir. Məkkənin özündə də bir neçə nəfər birgə iri heyvanlar kəsirlər. Yalnız qoyun istisnadır. Bakıda isə qoyun da bir neçə nəfər tərəfindən kəsilə bilər”.

O bildirib ki, Qurban bayramında israfçılıq bəyənilmir:

“Heyvanlar kütləvi şəkildə insanların, xüsusilə də uşaqların gözü qarşısında kəsilməməlidir. Ola bilər ki, bu, onların psixologiyasına pis təsir edə bilər”.

İ.Əhməd qurban ətinin satılmasının doğru olmadığını da vurğulayıb:

“Qurban əti satılmır. Qurban ətinin satılması dini baxımdan da düzgün deyil. Kəsilən ət mütləq şəkildə paylanmalıdır”. /Oxu.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

Azneft”in baş direktoru vəzifəsindən azad edildi - Yeni təyinat

BMT Baş katibi azərbaycanlı diplomatı yüksək vəzifəyə təyin edib

Ən çox oxunanalar