Şənbə, 10 Aprel 2021
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki
En

“Qarşımızda çox iddialı bir hədəf var” - Mikayıl Cabbarov

“Mart ayının 1-dən etibarən Türkiyə ilə Azərbaycan arasında qüvvəyə minən preferensial ticarət sazişi ölkələrimiz arasında olan ticarət əlaqələrinin daha da genişlənməsinə mühüm töhfə verəcək”.

Bunu İqtisadiyyat naziri Mikayıl Cabbarov “Azərlotereya”nın Türkiyənin “Demirören Holding” şirkətinə idarəetməyə verilməsi üzrə müqavilənin imzalanma mərasimində deyib.

“İki gün sonra biz ikitərəfli münasibətlərimizdə daha bir əlamətdar tarixi yaşayacağıq. Bizim qarşımızda çox iddialı bir hədəf var. 2025-ci il üçün ticarət dövriyyəmizi 15 milyard dollara çatdırmalıyıq”, - deyə nazir əlavə edib.

Mikayıl Cabbarov bildirib ki, “Azərlotereya” ASC-nin idarəetməyə verilməsi ilə əlaqədar bəzi məsələlərin tənzimlənməsi haqqında Prezident İlham Əliyevin imzaladığı sərəncam dövlət şirkətlərinin fəaliyyətinin yenidən qurulması çərçivəsində qəbul olunmuş mühüm qərarlardandır.

Onun sözlərinə görə, müqavilənin imzalanması ölkəmizdə dövlət müəssisələrinin fəaliyyətində səmərəliliyin və rəqabət qabiliyyətinin artırılması, kölgə iqtisadiyyatının azaldılması istiqamətində atılan növbəti addımdır. Həmçinin, xarici investorların cəlbi “Azərlotereya”nın fəaliyyətini əsaslı şəkildə dəyişəcək, iqtisadi səmərəsini artıracaq.

Nazir onu da diqqətə çatdırıb ki, Türkiyə Azərbaycan iqtisadiyyatında 11 milyard manat sərmayə qoyuluşu ilə fəal rol oynayır.

Qeyd edək ki, Azərbaycanın İqtisadiyyat Nazirliyi ilə Türkiyənin “Demirören Holding” şirkəti arasında imzalanan müqaviləyə əsasən, “Azərlotereya” ASC tərəfdaşa 10 il müddətində icarəyə veriləcək.

pia.az


Etiket:


Digərxəbərlər

Populyar xəbərlər

“İdeal”ın keçmiş sahibinin anası: “Oğlumu azğınlaşmış məmurlar parçalayıb məhv edir”

Elmira Axundovadan növbəti qalmaqal: Ukrayna polisi video yaydı

Rusiya kəşfiyyatı: “Dağlıq Qarabağ barədə materiallar topla, çox mühümdür...” 

“Siyavuş Novruzovun Nəcməddin Sadıkovla Rövşən Əkbərovu müdafiə etməsi xeyli suallar doğurur”

Erməni qohumluğu olanlar vəzifələrə necə və niyə gətirilib?..

Azərbaycan çempionu koronavirusdan dünyasını dəyişdi

Türkiyə ABŞ hərbi gəmilərilə bağlı Rusiyanı xəbərdar edib

Sahil Babayevə hədə-qorxu gələnlər kimlərdi? - Əlövsət Əliyev

Ən çox oxunanalar