Şənbə, 23 Yanvar 2021
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki
En

Qarabağda yeraltı hərbi kommunikasiyaların aşkarlanması üzrə tədqiqatlar aparılacaq

AMEA-nın Geologiya və Geofizika İnstitutunun (GGİ) Elmi şurasının növbəti iclası keçirilib.

İnstitutdan Azvision.az -a bildirilib ki, iclası müəssisənin direktoru, akademik Akif Əlizadə açaraq, 30 il işğal altında qalmış torpaqlarımızın azad edilməsinin tarixi əhəmiyyətindən və bu ərazilərin yenidən elmi tədqiqatlara cəlb edilməsinin önəmindən bəhs edib. O, bu prosesdə institutun alim və mütəxəssislərinin üzərinə düşən vəzifələri nəzərə çatdırıb.

A.Əlizadə daha sonra şura üzvlərini iclasın gündəliyində duran elmi-təşkilati məsələlərlə tanış edib. Akademik GGİ-də bərpa olunan enerji mənbələri və mineral xammalın tətbiqi texnologiyasının işlənilməsi istiqamətlərində aparılacaq fənlərarası elmi-tədqiqat işləri ilə bağlı ətraflı məlumat verib.

Yığıncaqda geologiya-minerologiya üzrə elmlər doktoru Abdulvahab Muxtarov “Azərbaycanın geotermal atlası və geotermal enerji resursları kadastrının tərtib edilməsi” mövzusunda elmi-tədqiqat işi üzrə yekun hesabatı təqdim edib, sualları cavablandırıb.

İclasda, həmçinin akademik Fəxrəddin Qədirovun “Qarabağ ərazisində mövcud yeraltı hərbi kommunikasiyaların geofiziki üsullarla aşkar edilməsi və geoloji təhlükələrin qiymətləndirilməsi” mövzusunda elmi-tədqiqat işinin proqramı maraqla qarşılanıb, geniş müzakirələr aparılıb, təkliflər səsləndirilib. Həmçinin Geologiya və Geofizika İnstitutunda Bakı Dövlət Universitetinin Seysmologiya və Yer təkinin fizikası kafedrasının filialının fəaliyyəti haqqında F.Qədirovun hesabatı dinlənilib.

Bundan əlavə, institutda koronavirus pandemiyasına qarşı profilaktik tədbirlərin gücləndirilməsi qərara alınıb.

Sonda bir sıra cari məsələlər müzakirə olunub.

pia.az


Etiket:


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Azad Rəhimov ABŞ-da əməliyyat olunub və komaya düşüb - Yenilənib

Mehri dəhlizinin “qapısı” Azərbaycana qaytarılır

Rövnəq Abdullayev SOCAR-ın prezidenti vəzifəsindən alınır? - Prezidentin sərəncamında adı keçmir...

"Azərbaycanın İrəvandakı nümayəndəliyi..." - Babayan hiddətləndi

“Bəylər Əyyubov stəkan yuyurdu, bizə çay süzürdü” – Bağında işləyən dülgər qadın

SOCAR-ın Müşahidə Şurasının tərkibi təsdiqlənib - Siyahı 

“Hökumət daxilində təhlükəli mafiya var...” - Müşfiq Ələsgərlidən sensasiyalı açıqlama

Nazirin səhhətinin ağırlaşdığı təsdiqləndi - Müalicə nəticə verməyib...

Azad Rəhimov: “Narahatlığa heç bir əsas yoxdur”

Oqtay Əsədovun həyat yoldaşının Moskvadakı qalmaqallı “Kapriz”i əsaslı təmir olunub - Foto

Ramiz Mehdiyev Oqtay Səmədovu niyə işdən çıxardı? 

Ən çox oxunanalar