Azərbaycanın Qarabağ bölgəsinin rus sülhməramlılarının müvəqqəti yerləşdiyi ərazisində məskunlaşan ermənilər arasında koronavirusa yoluxmada artım müşahidə edilir.
PİA.az Axar.az-a istinadən xəbər verir ki, son sutkada cəmi 140 test aparılıb, 46 testin nəticəsi pozitiv olub.
Cəmi 19 min civarında olan əhali üçün bir gündə 46 yeni yoluxma yüksək nəticə sayılır.
Hazırda 124 nəfər xəstəxanada müalicə olunur, onlardan 14-nün vəziyyəti çox ağır, 52-nin vəziyyəti isə ağır qiymətləndirilir.
Ümumilikdə indiyə qədər Qarabağda məskunlaşan ermənilər arasında 1594 yoluxma qeydə alınıb.
pia.az