Rusiya Prezidenti Vladimir Putin bildirib ki, ABŞ-ın tətbiq etdiyi sanksiyalardan sonra rəsmi Moskva itirdiyi qədər qazanıb...
O, bunu TASS-a müsahibəsində deyib.
Dövlət başçısı bu baxımdan sanksiyalara tüpürdüyünü bildirib.
Putin Rusiya Federasiyasının Ukraynaya görə sanksiyalara girdiyini söyləyib.
Fərqli hesablamalara görə, ölkə təxminən 50 milyard itirib, eyni zamanda, Putinin dediyi kimi bu miqdarda da qazanıb.
O, inanır ki, sanksiyalar “beyni işə salmağa”, unudulmuş məhsulları istehsal etməyə və yeni texnologiyalar yaratmağa imkan verib.
Öz növbəsində, sanksiyalar dövlətin kənd təsərrüfatını inkişaf etdirməsinə kömək edib.
“Buğda ixracatında dünyada birinci yerdəyik. Hətta ABŞ, Kanada və Avstraliyanı da qabaqlamışıq”, – deyə dövlət başçısı əlavə edib.
Putin qeyd edib ki, heç kim gözləmirdi ki, Rusiya böyük ixracatçı olacaq.
“Bu, əlbəttə ki, bizə fayda gətirir, iqtisadiyyatımızı şaxələndirir, əslində əsas problemi həll etməyə kömək edir” deyib.
pia.az