Rusiya Prezidenti Vladimir Putin üçün iqamətgah tikən Sankt-Peterburqdan olan iş adamı həbs edilib.
"Unikal" xəbər verir ki, bu barədə "RİA Novosti" məlumat yayıb.
Milyarder, "Forum" holdinqinin rəhbəri Dmitri Mixalçenko 2014-15-ci illərdə Vladimir Putinin iqamətgahı ilə bağlı iri dövlət sifarişi alıb. Onun şirkəti Oqareva-53 obyektində qəbul evi, idman zalı olan mehmanxana, komendatura, qaraj, park avadanlıqlarının saxlanması üçün anqar, nəzarət-buraxılış məntəqəsi və s. tikməli idi.
İttiham tərəfi məhkəmədə bildirib ki, Mixalçenko “şişirilmiş əmsallardan” istifadə edərək, bu tikinti zamanı materialların və əməyin qiymətini həddindən artıq qiymətləndirib.
Biznesmen Putinin iqamətgahında oğurladığı pulları Sankt-Peterburq yaxınlığındakı Bronka dəniz daşıma kompleksinin tikintisinə xərcləyib. Bu məqsədlə Dmitri Mixalçenko hətta Rusiyanın şimal paytaxtının ən yaxşı top-menecerlərindən biri kimi tanınıb.
Lakin bu, onu cinayət işindən xilas etməyib. Mixalçenko xüsusilə böyük məbləğdə - demək olar ki, 1,2 milyard rubl mənimsəməkdə ittiham olunur.
Məhkəmə prokurorun vəsatətini təmin edib və milyarderə 20 il həbs cəzası verib. Bundan əlavə, Dmitri Mixalçenko hələ də 1 milyon rubl cərimə ödəməlidir.
İş adamı cəzasını ciddi rejimli koloniyada çəkəcək.
.jpg)
pia.az
Digərxəbərlər
Populyar xəbərlər
