“Anlamalıdır ki, vətən onu istəmir, istefasını tələb edir”
Ermənistanın baş naziri Nikol Paşinyanın istefasını tələb edən Vətəni Qurtarma Hərəkatının ümummilli mitinqi sona catdıqdan sonra hökumət sarayına yürüş başlanıb.
Musavat.com erməni mediasına istinadən xəbər verir ki, aksiya iştirakçıları israrla Paşinyanın vəzifədən getməsini tələb edib, bununla bağlı müxtəlif şüarlar səsləndiriblər.
“Paşinyan mitinqdəki şüar və çağırışlardan son dərəcə qorxduğu üçün, vərdişinə görə təyin olunmuş iş saatından çox işləmədiyindən və 2 il yarımdır həftənin sonunda hökumət bağında tətilə çıxmağı çox xoşladığından biz qərar verdik ki, istefa tələbimizi ona birbaşa hökumət bağında çatdıraq. O da anlasın ki, vətən onu istəmir, istefasını tələb edir”- bunu aksiya təşkilatçılarından olan Gegham Manukyan deyib
Mitinq iştirakçıları Nikol Paşinyana dəqiq şərtlər və son tarix təqdim edəcəklər. Yürüşə Vətəni Qurtarma Hərəkatından Ermənistanın Baş naziri vəzifəsinə namizəd Vazgen Manukyanın rəhbərlik etdiyi siyasi qüvvələrin liderləri başçılıq edirlər.
pia.az