2019-cu il dekabrın 2-də naməlum şəraitdə ölmüş erməni əsgər Artur Acamyanın anası oğlunun kim tərəfindən və nəyə görə öldürülməsinin səbəblərinin aidiyyəti orqanlar tərəfindən müəyyən ediləcəyinə hələ də ümid edir. Hərbi xidmətə həvəslə getmiş, həyat sevən oğlunun özünə qəsd etməsinə əvvəldən inanmayan ana məhkəmə-tibbi ekspertizanın cavabını görəndə şoka düşüb.
Bu barədə Ermənistanda fəaliyyət göstərən xəbər saytları məlumat verib.
Belə ki, 2019-cu il dekabrın 2-də Qarabağın şimal-şərq istiqamətində naməlum şəraitdə ölmüş 1998-ci il təvəllüdlü Artur Acamyanın anası oğlunun ölümünün intihar hadisəsi kimi qələmə verilməsinə etiraz edərək Ermənistanın baş naziri Nikol Paşinyana şikayət edib.
42 yaşlı Göhar Acamyanın dediyinə görə, Ermənistanın müdafiə nazirliyi şikayətləri eşitmir. "Mənim oğlum öldürülüb, o, intihar etməyib. Xahiş edirəm, oğlumu öldürən şəxslər cəzalandırılsın. Əgər dekabrın 2-nə kimi şikayətimə baxmasanız, Azadlıq meydanında özümü zəhərləyib öldürəcəyəm” - deyərək, ölkə rəhbərliyinə səslənib.
Xatırladaq ki, 2019-cu il dekabrın 2-də işğal olunmuş Dağlıq Qarabağın şimal-şərq istiqamətində dislokasiya olunmuş Ermənistan silahlı qüvvələrinin hərbi hissələrindən birində xidmət keçən, 1998-ci il təvəllüdlü Artur İşxani Acamyan döyüş növbəsi aparan zaman aldığı güllə yarasından ölüb, 1959-cu il təvəllüdlü David Arutyun Melikbekyan isə yaralanıb.
(qaynarinfo)
pia.az
Digərxəbərlər
Populyar xəbərlər
