Paşayevadan əxlaqsız video yayanlarla bağlı - Çağırış

Bunu çəkən və yayan adam layiq olduğu cəzanı almalıdır.

PİA.az Axar.az-a istinadən xəbər verir ki, bu sözləri millət vəkili Qənirə Paşayeva sosial şəbəkələrdə və bəzi xəbər saytlarında yayılan videoya münasibət bildirərkən deyib. O, bütövlükdə cəmiyyəti bu məsələlərlə bağlı daha dərindən düşünməyə çağırıb:

“Hüquq-mühafizə orqanları araşdırma aparır və inanırıq ki, cəmiyyəti narahat edən bu məsələ ilə bağlı ciddi tədbirlər görüləcək. Bu videonu çəkən və yayanlar həm də ciddi ictimai qınağa tuş gəlməlidir. Bu videonu yayanların bizim millətin övladı ola bilməyəcəyini düşünürəm. Belələrinin varlığından Vətən üçün canını verən oğulların ruhu inciyir. Gənc qızlara isə çağırış edərək öz həyatları ilə bağlı diqqətli olmağı tövsiyə edirəm. Doğru yaşamağa çalışın, gənc yaşda özünüzü bu cür uçuruma atmayın. Ailələr də övladlarımıza daha ciddi diqqət və nəzarət etməlidir”.

pia.az