Çərşənbə axşamı, 19 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Pandemiyaya uyğunlaşma və CEO-ların gündəmindəki əsas məsələ: Rəqəmsallaşma

Rəqəmsal strategiya şirkətin korporativ strategiyası və strateji hədəfləri ilə birləşdirilməli və yeni iş modelləri inkişaf etdirilməlidir...

Melih Baş
“Aydınlık” qəzeti, Türkiyə, 12 aprel 2020-ci il

Cəmiyyətin əsas gündəm mövzusu nədir? Saros Araşdırma Şirkətinin 2021-ci ilin mart ayı üçün apardığı araşdırmanın nəticələrinə görə, birinci yerdə iqtisadiyyat (30,6%) durur. Digər gündəm maddələri isə koronavirus (29,8%), işsizlik (14,5%) və s.-dir. İlk üç maddədə olan işsizliyi də iqtisadiyyata əlavə etsək, təxminən 45%-lə iqtisadi problemlər ən çox müzakirə edilən mövzu olur. Xatırlayaq ki, iqtisadiyyatdakı malların və xidmətlərin istehsal zəncirindəki elementlər tədarük halqası, istehsal halqası, paylama halqası və istehlak halqasıdır. Kapitalizmdəki bu halqaların hər birindəki komponentlər işçilər, kapitalistlər və tənzimləyici/nəzarətçi olan mərkəzi və yerli dövlət orqanlardır. Bu zəncirdə yer alan əsas fiqurlar müəssisələrdir. Bundan kənarda marketinq, daxildə isə istehsal, dəstək xidmətləri və işçilər var. Sistemin işləməsində də işin ən yüksək rəhbərliyi (CEO) ciddi rol oynayır. Konfrans Şurasının (qlobal iş lideri forması) CEO Şurası üzvləri ilə apardığı hərtərəfli bir araşdırmaya görə, Türkiyədəki CEO-ların ən çox nəyi təəccübləndiyi və hansı məsələləri anlamaqda çətinlik çəkdiyi müəyyən edilib.

CEO-lar ən çox nəyə təəccübləniblər?

CEO-ların ən çox təəccübləndikləri məsələlərə daxildir: 2-3 ayda baş verən 10 illik rəqəmsal çevrilmə (24.5%), e-ticarətdə artım sürəti (20%), şirkətlərin uzaqdan işləməyə uyğunlaşması (12.5%), istehlakçı və ya müştərinin uyğunluğu (11%), evə bağlanma müddətinin uzun çəkməsi (9%), valyutadakı dalğalanmalar (7%), təchizat zənciri problemləri (6%), logistik qiymətlərdəki artım (5%), xammal qiymətlərindəki artım (3%), çox təəccüblənmək (2%).

Əslində, bu cədvəldəki ilk 4 maddə “rəqəmsallaşdırma” başlığı altında müzakirə edilə bilər. Ancaq ən maraqlısı sonuncudur, elə deyilmi?

CEO-ların başa düşməkdə çətinlik çəkdiyi məsələlər

CEO-ların başa düşməkdə çətinlik çəkdikləri məsələlər bunlardır:

Epidemiyanın ömrü / bitmə tarixi (26.7%), xarici valyutadakı artım (16.4%), rəqəmsallaşmanın gücü (12.1%), inflyasiyanın istiqaməti (9.5%), müştəri dəyişikliyi (7.9%), yeni nəsil işçilər (6.3%), qiyməti müəyyənləşdirmək (5.4%), kredit faiz səviyyəsi (4.6%), süni intellektin real gücü (3.3%), rəqiblər (3,1%), yeni rəqiblərin haradan gələcəyi (2,4%), onlayn ticarətin gücü (2,3%).

Əslində, epidemiya problemini bu qrafikdə bir kənara qoysaq, elə görünür ki, CEO-lar rəqəmsallaşmanı və bunun müştəri, işçilər və rəqiblər cəbhəsi üzərindəki təsirlərini başa düşməkdə çətinlik çəkirlər. Həmçinin, pul dəyişənlərini başa düşməkdə də çətinlik çəkdilər. Bu dəyişikliklərə qarşı qiymət təyin etməkdə problemlər yaşayıblar.

MESS-dən bir həll yolu: MEXT

İşəgötürənlər ittifaqı olan MESS dünyanın ən böyük və ən əhatəli Rəqəmsal Çevrilmə və Səriştəlilik İnkişaf Mərkəzi olan MEXT-i 2020-ci ilin avqust ayında istifadəyə verib. Bu mərkəzdə şirkətlər üçün (təbii olaraq, CEO-lar üçün də) 4 əsas xidmət təklif olunur:

1. Rəqəmsal Zavod;
2. Rəqəmsal Yetkinlik İndeksi;
3. Səriştəlilik İnkişaf Proqramı;
4. Ekosistem.

Bu xidmətlərə MESS-in veb saytından baxmaq olar. Ancaq ikincisini dəqiq izah etsək, deyə bilərik ki, şirkətlərin rəqəmsal çevrilmə müddətini müəyyənləşdirməyi və şirkətlərə xas bir yol xəritəsi yaratmağı əhatə edən tətbiqdir.

Bir həll yolu İstanbul Sənaye Mərkəzidir (İSO)

İSO müəssisələrə “rəqəmsal çevrilmə üzrə yol xəritəsi məsləhəti” adlı bir xidmət təqdim edir. Müvafiq şəxs, təbii olaraq, İSO-nun saytından məlumat əldə edə bilər. İSO-ya görə, rəqəmsal bir şirkət olmaq həm daxildən, həm də xaricdən böyük bir çevrilmə deməkdir və şirkətlər rəqəmsal dövrdə uğurlu olmaq üçün bəzi əsas imkanları inkişaf etdirməlidirlər.

Rəqəmsal çevrilmədən əvvəl yaxşı tərtib olunmuş yol xəritəsi yaradılmalıdır. Şirkət rəhbərliyi rəqəmsal çevrilmə prosesinə əhəmiyyət verməli və onu dəstəkləməlidir.

Rəqəmsal strategiya şirkətin korporativ strategiyası və strateji hədəfləri ilə birləşdirilməli və yeni iş modelləri inkişaf etdirilməlidir. Rəqəmsal məhsullar və xidmətlər təklif olunmalı və müştəri yönümlü fəaliyyətlər yenidən qurulmalıdır.

Təşkilat daxilində daxili əməliyyatlar və əməkdaşlıq rəqəmsallaşdırılmalıdır. İnsan resursları mövzu ilə əlaqədar təlim almalıdır. Korporativ mədəniyyət də rəqəmsal çevrilməyə uyğun olmalıdır.

Orjinal

Tərcümə PİA.az-ındır.

Fatimə ƏLİYEVA
pia.az


Etiket: CEO

Şərh yazın.


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Bukingem sarayı kral III Çarlzın ölüm xəbərini təkzib edib - Yenilənib

Bu gün ilaxır çərşənbə - Torpaq çərşənbəsidir

Tacir Şahmalıoğlu: “Evliliyim alınmadı, boşandım”

“Qarabağ”ın baş məşqçisi cəzalandırılıb

Ramazan ayının doqquzuncu gününün imsak, iftar və namaz vaxtları    

Nömrəsini sərnişinə vermək istəyən sürücü cəzalandırıldı - Açıqlama

Prezident Xankəndidə Novruz tonqalını alovlandırıb, xalqı təbrik edib - Yenilənib

Paşinyan: Əks halda həftənin sonunda müharibə olacaq...

"Nicat Lənkəranski" ləqəbi ilə tanınan şəxs 1 il 1 ay müddətinə azadlıqdan məhrum edilib - Yenilənib

Ən çox oxunanalar