Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Palata nazirlikdə korrupsiya aşkarladı

Hesablama Palatasının Kollegiyası müvafiq qanunvericiliyin tələblərinə uyğun olaraq Sumqayıt Regional İdarəsi (İdarə) üzrə 2017-2018-ci illərdə büdcə vəsaitlərinin icrasının vəziyyəti ilə bağlı həyata keçirilmiş auditin nəticələri üzrə Hesabatı müzakirə edərək təsdiq edib

Audit 2017-2018-ci illər üzrə 20 254,4 min manat vəsaiti əhatə edib.

Hesabatda göstərilib ki, ölkə prezidentinin 20 aprel 2018-ci il tarixli sərəncamına əsasən Mədəniyyət və Turizm Nazirliyinin bazasında Mədəniyyət Nazirliyinin yaradılması ilə əlaqədar Regional İdarənin Əsasnaməsində müvafiq dəyişiklik edilməyib, 2017-2018-ci illər üçün büdcə vəsaiti üzrə proqnoz tərtib edilərkən "Büdcə sistemi haqqında” qanunun və Nazirlər Kabinetinin 24 may 2004-cü il 24 may tarixli qərarı ilə təsdiq edilmiş "Dövlət büdcəsinin tərtibi və icrası Qaydaları”nın bir sıra tələbləri gözlənilməyərək İdarənin maliyyə təsərrüfat fəaliyyətinin nəticələri tam qiymətləndirilməyib.

İdarədə "ölü canlar" aşkarlanıb

Nazirlər Kabinetinin ştat saylarının müəyyən edilməsi ilə bağlı müvafiq qərarlarının tələblərinə əməl edilməyərək artıq ştat vahidləri saxlanılıb, mədəni maarif müəssisələrində işləyənlərin tarif dərəcələri düzgün müəyyənləşdirilməyərək artıq əmək haqqı ödənilib və artıq dərs saatları tarifləşdirilib.

Avadanlıqlar yalandan kirayəyə götürülüb

Xərclərin icrası zamanı təyinat dəyişikliyinə yol verilib, avadanlıqların kirayəyə götürülməsi adı ilə müxtəlif firmalara vəsait ödənilib, müvafiq təsdiqedici sənədlər olmadan inventar və avadanlıqlara texniki xidmət üçün vəsait xərc edilib, alınmış elektron lövhələr istifadəsiz saxlanılıb, avtonəqliyyat vasitələrinə normadan artıq cari təmir işləri yerinə yetirilib, yerinə yetirilməyən cari təmir işlərinə görə vəsait ödənilib, müəssisənin maliyyə-təsərrüfat fəaliyyətinin nəticələri müvafiq illik maliyyə hesabatlarında düzgün əks etdirilməyib.

Alınan mallara artıq vəsait ödənilib

Malların (işlərin və xidmətlərin) satınalınması zamanı bir sıra hallarda "Dövlət satınalmaları haqqında” qanunun və "Kotirovka sorğusu prosedurunun təşkili və keçirilməsinə dair Təlimat”ın tələblərinə əməl edilməyib, satınalma keçirilmədən vəsait xərc edilib, ehtimal olunan qiymətlər düzgün müəyyənləşdirilmədiyindən alınmış mallara görə artıq vəsait ödənilib, məbləğ məhdudiyyətini aradan qaldırmaq məqsədilə nəzərdə tutulmuş vəsaitlər ayrı-ayrı müqavilələrə bölünüb.

Materiallar Baş Prokurorluğa göndərildi

Hesabatda qeyd edilmiş nöqsanlar dinlənilib, İdarə tərəfindən dövlət satınalmalarını tənzimləyən qanunvericiliyin tələbi pozularaq məbləğ məhdudiyyətinin aradan qaldırılması məqsədilə satınalmanın ayrı-ayrı müqavilələrə bölünməsinə, malların ehtimal olunan qiymətinin mövcud qanunvericiliyə uyğun müəyyənləşdirilməməsi nəticəsində artıq xərcə yol verilməsinə görə, eləcə də təyinatdankənar xərcə yol verildiyinə görə qanunvericiliyə uyğun olaraq tədbir görülməsi məqsədi ilə müvafiq materialların Baş Prokurorluğa göndərilməsi qərara alınıb.

İsraf edilən vəsaitlər büdcəyə qaytarılacaq

Regional İdarə tərəfindən bir sıra tədbirlərin həyata keçirildiyi də nəzərə alınmaqla Kollegiya Qərarında həmçinin malların (işlərin və xidmətlərin) satınalınması zamanı "Dövlət satınalmaları haqqında” qanunun və dövlət satınalmalarını tənzimləyən digər normativ-hüquqi aktların tələblərinə tam əməl edilməsi, mal-materialların bazar qiymətlərindən baha alınması nəticəsində artıq ödənilmiş vəsatlərin dövlət büdcəsinə bərpası, istifadəsiz saxlanılmış inventarların istifadəsi ilə bağlı qanunvericiliyə uyğun müvafiq tədbirlərin görülməsi, maliyyə hesabatlarında və digər hesabatlarda qeyd olunan uyğunsuzluqlar aradan qaldırılmaqla 2018-ci ilin maliyyə hesabatlarının tərtib olunaraq Hesablama Palatasına təqdim edilməsinin təmin olunması göstərilib.

Auditin nəticəsi Milli Məclisə və Mədəniyyət Nazirliyinə göndərilib

Auditin nəticələri üzrə aşkar edilmiş qanunvericiliyin pozulması halları, nöqsan və çatışmazlıqların aradan qaldırılması məqsədi ilə ölkə qanunvericiliyi ilə müəyyən olunmuş qaydada müvafiq tədbirlərin görülməsi üçün Hesablama Palatasının Kollegiya qərarı və Auditor hesabatının surəti Mədəniyyət Nazirliyinə və Sumqayıt Regional Mədəniyyət İdarəsinə göndərilib. Auditin nəticələri ilə bağlı Milli Məclisə məlumat verilib.

Qlobal.az xəbər verir ki, Sumqayıt Regional Mədəniyyət İdarəsinin rəisi Mehman Şükürov 2014-cü ildə Sumqayıt Dövlət Musiqili Dram Teatrına rəhbərlik edərkən teatrda böyük qalmaqal yaşandı. O zaman ölkə mətbuatdında tirajlanan xəbərlərdə Sumqayıt Dövlət Musiqili Dram Teatrının direktorunun qanunsuzluq etdiyi qeyd edilirdi.



Məlumata görə, 2014-cü ildə Mehman Şükürov tərəfindən teatrdan uzaqlaşdırılan işçilər Mədəniyyət və Turizm Nazirliyinə, həm də Baş Prokurorluğun yanında Korrupsiyaya Qarşı Mübarizə İdarəsinə Sumqayıt Dövlət Musiqili Dram Teatrında baş verən neqativ hallar və yeyintilər barədə məlumat verəndən sonra hüquq-mühafizə orqanlarının teatrı qəfil yoxlaması zamanı 100-ə qədər "ölü can" aşkarlanıb.

Hüquq mühafizə orqanlarının aşkarladığı bu qanunsuzluqdan sonra teatrın direktoru Mehman Şükürov işdən çıxarılıb.

Maraqlıdır ki, işdən çıxarılan teatr direktoru həmin ərəfədə mətbuata açıqlama verərək səhhəti ilə əlaqədar xaricə müalicəyə gedəcəyini, qayıtdıqdan sonra isə başqa sahədə çalışacağını bildirmişdi. Lakin bir müddət sonra Mehman Şükürov Sumqayıt Mədəniyyət İdarəsinin rəhbəri təyin edildi.

2017-ci ildə Mədəniyyət Nazirliyində aparılan struktur islahatlarından sonra isə Mehman Şükürovun vəzifəsi daha da böyüdülərək Sumqayıt Regional Mədəniyyət İdarəsinə rəis təyin edildi.

Hesablama Palatasının Sumqayıt Regional Mədəniyyət İdarəsində açıqladığı korrupsiya faktına görə isə hələ ki, nə nazirlikdən, nə də Regional İdarədən münasibət bildirilməyib.

Onu da qeyd edək ki, Sumqayıt Regional Mədəniyyət İdarəsinin rəisi Mehman Şükürovun Sumqayıt İcra hakimiyyətində və Mədəniyyət Nazirliyində yüksək vəzifəli himayəçilərinin olduğu deyilir.(arqument.az)

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Azərbaycanda taksilərdə gediş haqqı lövhəsinin nümunəvi forması açıqlanıb

Ən çox oxunanalar