Cümə axşamı, 28 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Oqtay Əsədov: “İsveçrə Azərbaycanla münasibətlərə böyük önəm verir”

Milli Məclisin sədri Oqtay Əsədov Bakıda səfərdə olan İsveçrə Konfederasiyası Kantonlar Şurasının sədri Jan-Rene Furniye ilə görüşüb...

O.Əsədov deyib ki, Azərbaycan ilə İsveçrə arasında əlaqələr uzun illərə söykənən qarşılıqlı inam əsasında qurulub. İsveçrə Azərbaycan ilə münasibətlərə böyük önəm verir.

Oqtay Əsədov Jan-Rene Furniyenin Bakıya səfərinin ikitərəfli əlaqələrin inkişafına töhfə verəcəyinə inandığını bildirib.

Azərbaycanın müstəqilliyini ilk tanıyan ölkələrdən birinin də İsveçrə olduğunu xatırladan Milli Məclisin sədri qarşılıqlı münasibətlərin yüksək səviyyəsindən məmnunluğunu ifadə edib.

O bildirib ki, 1992-ci ildə ölkələrimiz arasında diplomatik əlaqələr qurulub: "Bu əlaqələrin inkişafında yüksək səviyyəli qarşılıqlı səfərlərin böyük əhəmiyyəti var. 2018-ci ildə ölkələrimiz arasında ticarət dövriyyəsinin həcmi 680 milyon dollar həcmində olmuşdusa, bu il bu rəqəm 1 milyard 300 milyon dollardır. Ümumilikdə, Azərbaycan iqtisadiyyatına 268 milyard dollar həcmində investisiya qoyulub ki, bunun da 148 milyard dolları xarici sərmayədir. İsveçrə şirkətləri Azərbaycana 860 milyon dollar həcmində investisiya qoyub. Azərbaycan isə İsveçrəyə 2 milyard 700 milyon dollara yaxın yatırım edib. Çox şadıq ki, İsveçrə şirkətləri Azərbaycanda uğurla fəaliyyət göstərir".

Milli Məclisin sədri eyni zamanda Azərbaycanın təşəbbüsü ilə reallaşdırılan meqalayihələrə toxunub.

Ermənistan-Azərbaycan Dağlıq Qarabağ münaqişəsi barədə danışan Oqtay Əsədov deyib ki, BMT-nin münaqişənin həlli ilə bağlı 4 qətnaməsinin olmasına baxmayaraq, Ermənistan bu sənədlərə məhəl qoymur və işğalçılıq siyasətini davam etdirir.

Jan-Rene Furniye İsveçrənin Azərbaycanın müstəqilliyini tanıyan ilk ölkələrdən biri olmasını heç də təsadüfi hal kimi dəyərləndirmədiyini qeyd edib. Belə ki, hər iki ölkə strateji baxımdan oxşar mövqelərə malikdir, böyük qonşularla əhatə olunub.

İsveçrə Konfederasiyası Kantonlar Şurasının sədri Azərbaycan ilə əlaqələrin yüksək səviyyəsindən məmnunluğunu ifadə edib.

pia.az


Etiket: Oqtay Əsədov


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Aprel ayında bu bürcü fantastik pul və yeni vəzifə gözləyir

Məşhur vəkilə qarşı ittiham: 7 min manat pul alıb    

Politoloq: Ukraynadan sonra növbəti qurban Ermənistan seçiləcək...

Ərəstun Oruclu: Ermənistanda və Moldovada konfliktlərin qaynar fazaya keçməsini istisna etmirəm...

Sabiq milli təhlükəsizlik naziri Namiq Abbasov vəfat edib

Azərbaycan XİN Namiq Abbasovun vəfatı ilə bağlı paylaşım edib

Əhməd Əhmədov təcridxanaya qaytarıldı - Bundan sonrakı hüquqi qiymətləndirmə necə olacaq?

Hikmət Hacıyev NATO-nun eks-baş katibi ilə bağlı paylaşım edib: Hesabatına ödənişi əlavə etməyi unudub

Səhər yeməyi və şirinçayla bağlı mütəxəssisdən ilginc açıqlama

Ən çox oxunanalar