Cümə axşamı, 17 Oktyabr 2019
USD : 1.7
EUR : 1.8724
Hava
+25 ° Baku
+19 ° Quba
+12 ° Qusar
+24 ° Gəncə
+16 ° Lənkəran
+23 ° Naxçıvan
+26 ° Salyan
+23 ° Şəki

Ölülər qəbirdə niyə hərəkət edir? – İlahiyyatçıdan maraqlı açıqlamalar

Xəbər verdiyimiz kimi, avstraliyalı araşdırmaçılar indiyədək irəli sürülən nəzəriyyələrin əksinə olaraq, ölülərin məzarda "sakit yatmadıqlarını” iddia edib...

Sürətləndirilmiş kameralarla reallaşdırılan çəkilişlərdə ölü bədənin quruma və çürümə prosesində üzvlərinin hərəkət etdiyini ortaya çıxarıb. 70 cəsəd üzərində araşdırma aparan Avstraliya Təcrübə Araşdırmaları Mərkəzi (AFTER) ölmüş bədənin bir il keçdikdən sonra belə orqanların hərəkət etdiyini aşkar edib.

Belə ki, onlar sürətləndirilmiş kameralar 17 ay ərzində hər 30 dəqiqədən bir cəsədlərin fotolarını çəkib. Əldə edilən nəticələrdə bədənin quruma və çürümə prosesində hərəkət etdiyi bəlli olub. Bunun xüsusən detektivlər və patoloqlar üçün önəmli bir kəşf olduğu bildirilib. Araşdırmaçı Alison Vilson qeyd edib ki, araşdırmalar zamanı qolların hiss ediləcək səviyyədə hərəkət etdiyini üzə çıxarıblar: "Bədəni sarılmış və ya bədənin yanında duran qollar ya yana düşür, ya da geniş açılır. Yana açılan qollar yenidən geri hərəkət edərək bədənə toxunur”. Vilsona görə, bu hərəkətlənmə birləşdirici toxumaların qurumasıyla bədənin kiçilib büzülməsindən irəli gələ bilər.

Ölünün qəbirdəki bu hərəkətlərinin dini baxımdan izahının olduğunu iddia edənlər də var. Bəziləri bu hərəkətin ölünün sorğu-sual edilməsi, əzab çəkməsi ilə də əlaqələndirir.

Bəs görəsən, bunun dini baxımdan izahı necədir, ümumiyyətlə izahı varmı? Məsələ ilə bağlı ilahiyyatçı Elşad Miri ilə əlaqə saxladıq. “Yeni Sabah”a danışan E.Miri həmin hərəkətlərin çürümə prosesi zamanı baş verə biləcəyini və bunun dinlə əlaqəsinin olmadığını deyib:

“Elə bir şeyin olduğuna hələ də inanmıram. Dini nöqteyi nəzərdən elə bir şey yoxdur. Bunların hamısı uydurmalardır. Yalandan uydurublar ki, guya gəlib insanı qəbirdə sorğu-suala tuturlar, nəsə edirlər. Bunlar boş-boş şeylərdir. Bu sadəcə uydurulan din anlayışının ortaya atdığı bir iddiadır. Onda cəsədi yandırılan milyonlarla insanın aqibəti necə olur? Bilirsiniz ki, bu gün Nepalda, Hindistanda, hətta Avropanın özündə ölüləri yandırırlar. Bəs onlar necə olacaq? Ümmiyyətlə, çürümə, yandırılma prosesində elə hərəkətlər ola bilər. Amma bu hərəkətlərin dini cəhətdən hansısa izahı yoxdur. Deyilənlər də uydurmalardır”.

pia.az

Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627

Etiket: qəbir

loading...

Ən çox oxunanalar