Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Ölkəyə qayıtmaqdan imtina edən diplomatlar var...

Rus kəşfiyyat məktəbinin məzunu isə XİN-də idarə rəisidir?

Prezident İlham Əliyev yeni təyin etdiyi Xarici işlər naziri Ceyhun Bayramova tapışırıq və tövsiyələrini verərkən Xarici İşlər Nazirliyi (XİN) sistemində çox ciddi problemlərin olduğunu bildirib.

Dövlət başçısının bəzi diplomatların dövlətə xəyanət etməsi barədə dedikləri isə rezonans doğurub: “Bəzi diplomatlar dövlətə xəyanət ediblər, satqınlıq ediblər və bunu gizlətmirlər. Yaşadıqları ölkələrin xüsusi xidmət orqanlarının nəzarətindədirlər. Bizdə kifayət qədər məlumatlar var. Bu gün Azərbaycana qarşı çirkin kampaniya aparan, özünü azərbaycanlı kimi təqdim edən, əslində, ermənilərdən də pis olan ünsürlərin mütləq əksəriyyəti yaşadıqları ölkələrin xüsusi xidmət orqanlarının nəzarətindədir. Onlardan pul və təlimatlar alırlar. Bizdə bu məsələ ilə bağlı kifayət qədər məlumatlar var. Bizim xüsusi xidmət orqanlarımız tərəfdaş ölkələrin xüsusi xidmət orqanlarına dəfələrlə bu haqda məlumatlar vermişlər. Demişlər ki, biz bilirik, filan adamı siz istiqamətləndirirsiz, filan adama siz ev vermisiniz, filan adamın çirkin çıxışları sizin idarənizdə yazılır. Biz bütün bunları bilirik".

Ekspertlərin qənaətinə görə, Prezidentin bu çıxışından sonra XİN-də həbslərin olacağı qaçılmazdır. Keçmiş Xarici işlər naziri Tofiq Zülfüqarov da “AzPolitika.info”-ya açıqlamasında bunu istisna etməyib:

“Məndə konkret faktlar yoxdur, amma bəzi tendensiyaları, kənar təsirləri, fərqli konsepsiyaları biz də müşahidə edirdik. Yəqin ki, belə əməllərlə məşğul olan şəxslər müəyyən edilərək ifşa olunub cəzalandırılacaqlar”.

Keçmiş nazirin fikirlərinə reaksiya verən, diplomatik xidmətdə çalışdığını gizlətməyən izləyicilərdən biri müsahibənin şərh bölməsinə yazıb:

“Tofiq müəlllim, hər şeyi öz adı ilə çağırmaq gərəkdir. XİN-in 1-ci Avropa İdarəsinin rəisi Elxan Azayev Moskva Kəşfiyyat Məktəbinin məzunudur, geri döndükdən sonra onu bizim təhlükəsizlik orqanlarında işə götürmək istəməyiblər. Elmar Məmmədyarovun yaxın dostu Azayev sonradan XİN-də zühur edib. Azərbaycanla deyil, bir zamanlar bitirdiyi Moskva məktəbi haqda da həmişə fəxarətlə danışır. Beləsindən nə gözləmək olar?”

Qeyd edək ki, sosial şəbəkələrdə də XİN sistemindəki xəyanətkarların Prezidentin çıxışından sonra əl-ayağa düşdüklərini təsdiq edən informasiyalar yayılıb. Azərbaycanlı mühacirlərdən biri yazıb ki, ölkəni təmsil edən bəzi diplomatlar xidməti müddəti başa çatdıqdan sonra ölkəyə geri qayıtmaqdan imtina ediblər. Bundan sonra da xarici ölkələrdən siyasi sığınacaq istəyən səfirlərin və səfirlik əməkdaşlarının sayı artacaq.

Şübhəsiz ki, Azərbaycana zərbə vuracaq belə hadisələr baş verərsə, keçmiş nazir Elmar Məmmədyarov arzuladığı kimi evdə oturub gələcək haqqında planlar qura bilməyəcək. XİN-i casus yuvasına çevirdiyinə görə, cəzalandırılanların ilk sırasında onun adı gələcək... (AzPolitika.info)

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

Azneft”in baş direktoru vəzifəsindən azad edildi - Yeni təyinat

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

Ən çox oxunanalar