70 yaşlı Nurlana Əliyevanın rəhbərlik etdiyi Bakı Slavyan Universitetində müəllimlər arasında ciddi narazılıq yaranıb...
Buna səbəb Nurlana Əliyevanın tapşırığı ilə elmi dərəcəsi olmayan çoxlu sayda kollec müəlliminə Slavyan Universitetində dərs yüklərinin verilməsi olub.
Maraqlıdır ki, Nurlana Əliyeva belə müəllim transferini əsasən özünün uzun müddət rəhbəri olduğu Pedaqoji Kollecdən reallaşdırır. Bu vəziyyət universitetin elmi dərəcəsi olan müəllimlərinin ciddi narazılığına səbəb olub. Qeyd edək ki, təkçə “Pedaqoqika” kafedrasına 5-6 belə müəllim yerləşdirilib. Digər kafedralarda da bu kateqoriyadan olan müəllimlərin sayı kifayət qədərdi. Bildirilir ki, həmin müəllimlər özlərini rektora çox yaxın saydıqları üçün, üniversitetin əsl müəllimlərinə hətta yuxarıdan aşağı da baxırlar. Azinforum.az-a müraciət edən müəllimlər əlaqədar qurumlardan xahiş edirlər ki, bu vəziyyət dərindən araşdırılsın. Çünki belə getsə, universitetdə təhsilin səviyyəsi çox aşağı düşə bilər.
Mövzu ilə bağlı Slavyan Universiteti rəhbərliyi ilə əlaqə saxlamaq cəhdlərimiz alınmadı. Onların da münasibətini dərc etməyə hazırıq.(Azinforum.az)
pia.az
Digərxəbərlər
Populyar xəbərlər
