Tramp: Bayden yəhudi xalqına və fələstinlilərə nifrət edir

Poliqon xəbər verir ki, bu sözləri çərşənbə günü Amerikanın keçmiş prezidenti Donald Tramp deyib.

“Co Bayden İsrailə və yəhudi xalqına nifrət edir. Problem ondadır ki, o, fələstinlilərə daha çox nifrət edir və sadəcə nə edəcəyini bilmir”, deyə Tramp özünün “Truth Social” sosial şəbəkəsindəki səhifəsində yazıb.

Qeyd edək ki, daha əvvəl eks-prezident Bayden administrasiyasının öz siyasəti ilə dünyanı cəhənnəmə çevirdiyini və Amerikanı qan gölünə sürüklədiyini bildirmişdi.

Xatırladaq ki, son zamanlar Tramp ABŞ Konstitusiyasına Birinci Düzəlişin təmin etdiyi söz azadlığının qorunmasına arxalanaraq, ABŞ prezidenti Co Baydenə qarşı açıq şəkildə təhqiramiz ifadələr işlədir.

Poliqon.info