Ukrayna partizanları fəaliyyətdədir - Daha bir körpünü partladıblar

Ukrayna partizanları işğal altında olan Melitopol şəhərində dəmir yolu körpüsünü partladıblar.

Musavat.com Ukrayna mediasına istinadən xəbər verir ki, bu barədə Prezident ofisinin rəhbərinin müşaviri Aleksey Arestoviç “Facebook”da məlumat yayıb.

"Dünən partizanlarımız Melitopol yaxınlığındakı dəmir yolu körpüsünü partladıblar. Körpü qismən dağılıb. Artıq bir gündür ki, Canköydən Melitopola bir qatar da gəlmir", - Aretoviç yazıb.

Onun sözlərinə görə, Rusiya ordusunun körpünü nə vaxt bərpa edə biləcəyini və orada hərəkəti davam etdirəcəyini hələlik proqnozlaşdırmaq çətindir.

“Lakin onlar həddindən artıq qəzəbləniblər”-deyə Arestoviç bildirib.

Qeyd edək ki, Ukrayna ordusu bu gün Xerson vilayətində Antonov körpüsünü də yararsız hala gətirib.

pia.az