Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

"Qarabağ" 7-ci dəfə Azərbaycan Kubokunun qalibi oldu - Yenilənib

Futbol üzrə Azərbaycan Kubokunun qalibi müəyyənləşib.

"Report"un məlumatına görə, final oyununda son çempion "Qarabağ"la bürünc mükafatçı "Zirə" üz-üzə gəlib.

Qəbələ şəhər stadionundakı qarşılaşmaya Ağdam təmsilçisi daha fəal başlayıb. 10-cu dəqiqədə Marko Veşoviçin zərbəsini "qartallar"ın qapıçısı Anar Nəzirov dəf edib.

"Zirə" görüşün 17-ci dəqiqəsində hesabı açıb. "Qarabağ"ın kapitanı Maksim Medvedevin səhvindən yararlanaraq topu ələ keçirən Coşqun Diniyevin ötürməsindən sonra Hamidu Keyta fərqlənib. Qolun ardından "köhlən atlar" təşəbbüsü daha da ələ alıb. 29-cu dəqiqədə Qara Qarayevin uzaq məsafədən endirdiyi zərbədən sonra top müdafiəçilərə dəyərək qapının yanından keçib.

40-cı dəqiqədə Təmkin Xəlilzadə fərqi daha da artırmağa yaxın olub. Lakin qapıçı Şahruddin Məhəmmədəliyev gözəl qurtarışla bunun qarşısını alıb.

İlk hissə paytaxt klubunun minimal hesablı üstünlüyü ilə bitib. Bölgə təmsilçisi ikinci yarıya da daha aktiv başlayıb. 47-ci dəqiqədə Kadi Borgesin zərbəsindən sonra Anar Nəzirov növbəti dəfə komandasını real qoldan xilas edib. 60-cı dəqiqədə Qara Qarayev uzaq məsafədən fərqlənməyə çalışsa da, top qapının üstündən keçib. Ölçə çempionu 69-cu dəqiqədədə istəyinə çatıb. Abdullah Zubirin uzaq məsafədən qüvvətli zərbəsi qarşısıalınmaz olub. 10 dəqiqə sonra Zubirin yaxın məsafədən endirdiyi təhlükəli zərbədən sonra Nəzirov topu qapı xəttindən çıxarıb. 84-cü dəqiqədə Leandro Andrade "Qarabağ"ı önə keçirməyə yaxın olub. Onun zərbəsindən sonra top qapı dirəyinə dəyərək meydanı tərk edib.

Qarşılaşmanın əsas vaxtı 1:1 hesabı ilə yekunlaşıb. Əlavə olunmuş 30 dəqiqədə qapılara qol vurulmadığı üçün penaltilər seriyasına ehtiyac duyulub. Penaltilər seriyasında rəqibinə 4:3 hesabı ilə qalib gələn "Qarabağ" Azərbaycan Kubokunun qalibi olub.

Beləliklə, "köhlən atlar" 7-ci dəfə bu titula sahib çıxıb və ölkə tarixində yeni rekord müəyyənləşdirib. Komandanın baş məşqçi Qurban Qurbanov bu mükafatı ən çox qazanan baş məşqçi adına da yiyələnib - 5.

***

"Qarabağ" və "Zirə" komandaları arasında keçirilən Azərbaycan Kubokunun final oyununda əlavə vaxt oynanılacaq.

"Report"un məlumatına görə, qarşılaşmanın əsas vaxtında qalib müəyyənləşməyib - 1:1.

"Zirə"nin qolunu 17-ci dəqiqədə Hamidu Keyta vurub. 69-cu dəqiqədə isə Ağdam təmsilçisinin legioneri Abdullah Zubir bərabərlik qoluna imza atıb.

***

"Qarabağ" və "Zirə" komandaları arasında keçirilən Azərbaycan Kubokunun final oyununda ikinci qol vurulub.

"Report"un məlumatına görə, 69-cu dəqiqədə "Qarabağ"ın futbolçusu Abdullah Zubir bərabərlik qoluna imza atıb.

***

"Qarabağ" və "Zirə" komandaları arasında keçirilən Azərbaycan Kubokunun final oyununda ilk hissə başa çatıb.

"Report"un məlumatına görə, paytaxt təmsilçisi fasiləyə öndə yollanıb - 1:0.

"Qartallar"ın qolunu 17-ci dəqiqədə Hamidu Keyta vurub.

***

"Qarabağ" və "Zirə" komandaları arasında keçirilən Azərbaycan Kubokunun final oyununda hesab açılıb.

"Report"un məlumatına görə, görüşün 17-ci dəqiqəsində paytaxt təmsilçisi önə keçib.

"Zirə"nin qolunu Hamidu Keyta vurub.

***

Azərbaycan Kubokunda 2021/22 mövsümünün final oyunu keçirilir.

Oxu.Az xəbər verir ki, Qəbələ şəhər stadionunda baş tutan həlledici matçda “Qarabağ”la “Zirə” qarşılaşır.

Artıq matçda start fiti səslənib. Hesab açılmayıb.

***

Azərbaycan Kubokunun final görüşü olan “Qarabağ” – “Zirə” oyununun start heyətləri açıqlanıb.

Oxu.Az heyətləri təqdim edir:

“Qarabağ”: 1. Şahruddin Məhəmmədəliyev, 5. Maksim Medvedev (k), 2. Qara Qarayev, 19. Filip Ozobiç, 10. Abdullah Zubir, 81. Kevin Medina, 6. Patrik Andrade, 29. Marko Veşoviç, 20. Kadi Borqes, 25. Vadji İbrahima, 44. Elvin Cəfərquliyev
Ehtiyat oyunçular: 23. Luka Quqeşaşvili, 55. Bədəvi Hüseynov, 30. Abbas Hüseynov, 18. İsmayıl İbrahimli, 77. Ramil Şeydayev, 7. Rişard Almeyda, 13. Bəhlul Mustafazadə, 11. Xayme Romero, 15. Leandro Andrade, 97. Rüstəm Əhmədzadə, 27. Toral Bayramov, 22. Musa Qurbanlı
Baş məşqçi: Qurban Qurbanov

“Zirə”: 41. Anar Nəzirov, 8. İlkin Muradov, 21. Hacıağa Hacılı, 32. Qismət Alıyev (k), 19. Təmkin Xəlilzadə, 91. Coşqun Diniyev, 18. Davit Volkovi, 44. Dimitrios Çantakias, 26. Nemanya Ancelkoviç, 14. Hamidu Keyta, 4. Cəlal Hüseynov
Ehtiyat oyunçular: 1. Mehdi Cənnətov, 22. Nail Alışov, 10. Ağabala Ramazanov, 2. Sərtan Taşkın, 15. Ruslan Abışov, 5. Rahil Məmmədov, 47. Məhəmməd Hamdaui, 9. Loris Bronyo, 99. Ahmed Ayzaya, 13. Ramin Əhmədov, 56. Samir Ağayev, 27. Tamerlan Burcəliyev
Baş məşqçi: Rəşad Sadıqov

***

Bu gün Azərbaycan Kubokunda 2021/22 mövsümünün final oyunu keçiriləcək.

Oxu.Az xəbər verir ki, bununla da Azərbaycan futbolunda mövsüm başa çatacaq.

Sayca 30-cu finalda “Qarabağ”la “Zirə” üz-üzə gələcək. Qəbələdə keçiriləcək matçda Premyer Liqanın çempionu “Qarabağ” “Qızıl dubl”unu rəsmiləşdirmək üçün heç vaxt uduzmadığı rəqibini məğlub etməlidir.

Qurban Qurbanovun yetirmələri klub tarixində 7-ci kuboku qazanmaqla rekorda imza atmaq arzusundadır.

Çempionatı bürünc medalla başa vurmuş “Zirə” isə ilk titulunu əldə etməyə çalışacaq. Rəşad Sadıqovun yetirmələri bunun üçün “Qarabağ” sindromunu qıraraq ilk dəfə qalib gəlməli, ya da penaltilər seriyasında qələbəyə sevinməlidir. Bu kubok Sadıqovun məşqçilik karyerasına ilk titul kimi düşəcək.

Azərbaycan Kuboku

Final

27 may 19:00

“Qarabağ” – “Zirə”

Baş hakim: Elçin Məsiyev

Qəbələ şəhər stadionu

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Şadlıq saraylarında menyular bahalaşdı - Qiymətlər

Ermənistan Silahlı Qüvvələrinin Baş Qərargah rəisi müharibə istəyir?..

Azneft”in baş direktoru vəzifəsindən azad edildi - Yeni təyinat

Yarım milyon mənimsəyən baş həkim həbsdə öldü    

Ərdoğan: Qarabağda hansı addımı atdıqsa, qarşımıza böyük qlobal ittifaq çıxdı

Qurban Qurbanov hərəkətlərinə fikir verməyən futbolçunu cərimələdi

Azərbaycanda baş məşqçinin hakimi döyməsinin görüntüləri - Video

Ən çox oxunanalar