"Əvvəlcə turnirin təşkilatçılarına və iştriakçılarına təşəkkürümü bildirirəm. Azərbaycanda futbolun populyarlaşması istiqamətində çox ciddi addımlar atılmalıdır vacibdir. Bugünkü turnir də bu baxımdan vacibdir".
Bunu Milli Məclisin deputatı Fazil Mustafa İdman Araşdırmalar Mərkəzi (İAM) və ETOPAZ-ın 10 illik yubileyi münasibətilə jurnalistlər arasında mini-futbol üzrə Zəfər Kubokunda C qrupunun "Xankəndi" - "Ağdam" oyunundan (2:2) öncə deyib.
O bildirib ki, ölkə futbolunu məhəllə-məhəllə, bölgə-bölgə, şəhə-şəhər populyarlaşdırıb, respublika miqyasına çatdırmağa və dünyada tanıtmağa çalışmalıyıq: "Bu tədbir həm də ona görə əhəmiyyətlidir ki, jurnalistlərimiz işğaldan azad olunmuş torpaqlarımızın adı ilə meydana çıxır və həmin ərazilərdə idman həyatını dirçəltməli olduğumuzu gündəmə gətirirlər. Bu da sevindirici haldır. Bu cür turnirlərə sponsorluq edən iş adamlarına təşəkkür edirəm".
F.Mustafanın sözlərinə görə, Azərbaycanda futbol həyatı canlansa, narkomaniyanın, gənclərin başqa pis vərdişlərə yönəlməsinin qarşısı alınar: "Artıq əvvəlki kimi binaları tikəndə futbol, basketbol meydançalarını zəbt edib dağıtmayacaqlar və idman Azərbaycanda kütləvi hərakata çevriləcək".
Deputat bu cür yarışların cəmiyyətə təsirinin böyük olacağını vurğulayıb: "Yaxşı olar ki, turnirlə bağl reportajlar telekanallarda da yaymlansın ki, insanlar futbolun nə qədər vacib idman növü olduğunu görsünlər. Futbolu Azərbaycanda sevilən idman növünə çevirmək üçün biz də əlimizdən gələni etməyə hazırıq. Bir daha hərkəsə uğurlar arzulayıram".(report)
pia.az
Digərxəbərlər
Populyar xəbərlər
