Çərşənbə axşamı, 24 May 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

“Dünyada demokratiyalarla avtokratiyalar arasında əsl yarış gedir” - Bayden

“Çağdaş dünyada demokratiyalarla avtokratiyalar arasında əsl yarış gedir”.

Novator.az-ın məlumatına görə, bunu ABŞ prezidenti Cozef Bayden üzvü olduğu Demokratlar Partiyasının Milli Komitəsinin tədbirində çıxış edərkən deyib.

O bildirib ki, Rusiya prezidenti Vladimir Putin, Çin Xalq Respublikasının sədri Si Cinpin və bəzi digər ölkələrin liderləri demokratiyanın XXI əsrə o qədər də uyğun gəlmədiyini düşünürlər: “Onlar buna həqiqətən inanırlar. Onların fikrincə, XXI əsrdə hər şey çox sürətlə dəyişdiyindən konsensus əldə etməyə vaxt qalmır, avtokratiyalar isə konsensus axtarmadığına görə məsələləri demokratiyalardan tez həll edə bilir”.

Amma Bayden vurğulayıb ki, ABŞ yeganə yolun demokratıya olduğunu nümayiş etdirir: “Mən hər bir dünya liderinə deyirəm ki, Amerika xalqına qarşı getmək heç vaxt xeyir gətirməyib və gətirməyəcək”.

1942-ci il təvəllüdlü Cozef Bayden 2020-ci il noyabrın 3-də keçirilmiş seçkidə ABŞ-ın prezidenti seçilib, 2021-ci il yanvarın 20-də and içərək səlahiyyətlərinin icrasına başlayıb.

1789-cu ildən başlayaraq ABŞ-da 46 nəfər prezident postunu tutub. Tarixi ənənəyə, 1951-ci ildən bəri isə həm də konstitusiya normasına görə, ABŞ-da eyni şəxs maksimum iki dəfə prezident olur. Yalnız Franklin Ruzvelt dövlət başçısı postuna iki dəfədən artıq (1932, 1936, 1940, 1944-cü illərdə) seçilib.

1952-ci il təvəllüdlü Vladimir Putin 1999-cu il dekabrın 31-dən baş nazir kimi prezident vəzifəsini icra edib, 2000-ci ildə isə prezident seçilib. 2004-cü il seçkisində bu postu əlində saxlayıb. 2008-ci ilin may ayından Rusiyanın baş naziri olub.

2012-ci ildə Rusiyada konstitusiya dəyişib, prezidentin səlahiyyət müddəti 4 ildən 6 ilə qaldırılıb. Həmin il və 2018-ci ildə Putin prezident seçilib.

2020-ci ildə ölkədə konstitusiya yenə dəyişib. Həmin dəyişikliyə görə, heç kim iki dəfədən artıq prezident seçilə bilməz. Ancaq bu norma yenilik qüvvəyə minəndən (2020-ci il iyulun 4-dən) sonra prezident seçiləcək şəxslərə şamil olunub. Beləliklə, Vladimir Putinin növbəti iki prezident seçkisinə (2024 və 2030-cu illərin seçkilərinə) qatılmaq, 2036-cı ilə qədər postda qalmaq hüququ var.

1953-cü il təvəllüdlü Si Cinpin 2012-ci ilin noyabrından Çin Kommunist Partiyasının baş katibi, Kommunist Partiyası Mərkəzi Komitəsi Hərbi Şurasının sədri, 2013-cü ilin martından Çin Xalq Respublikasının sədri – dövlət başçısı və Çin Xalq Respublikası Mərkəzi Hərbi Şurasının sədridir.

Si Cinpin Çinə rəhbərlik etməyə başlayanda konstitusiya eyni şəxsin iki müddətdən (hər biri 5 il olmaqla) artıq dövlət başçısı seçilməsini yasaq edirdi. 2018-ci ilin martında bu yasaq götürülüb.

pia.az


Etiket:


Digərxəbərlər

Dolların dünya hökmranlığının sonu gəlir? - Alternativ “rəqəmsal yuan” ola bilər…

Ermənistan ziyalıları Paşinyan hökumətini sülh müqaviləsi bağlamağa çağırıblar

Populyar xəbərlər

İstanbulun mərkəzində atışma - Tanınmış Azərbaycanlı aktyor Türkiyədə qətlə yetirildi - Video, Yenilənib

Xankəndidə bütün adlar Azərbaycan dilində yazıldı - Fotolar

“Bəs sən niyə boşanmısan, oturub içərdin də kişinin ayaq suyunu?!” - Aparıcıya sərt reaksiya

Aslan İsmayılov: “”Topaz”, “Poz, qazan” ailələri dağıdır, anaları, bacıları ağlar qoyur”

ADAU-da nəğmə müəllimi tarix fənnindən dərs deyir - Tələbələr prezidentə müraciət etdi...

Cahangir Əsgərovun həyat yoldaşı 5,3 min kvadrat metr sahəsi olan obyekt tikdirir - Fotolar

"Chessable Masters": Şəhriyar Məmmədyarov mübarizəni dayandırıb

“Səfər dəhlizi”: Gömrükdə sensasion kosmetika əməliyyatı...

Ölkədə aparılan kadr islahatları... - Yeni kadrlar gözləntiləri doğruldurmu?

Prezident Brüssel görüşündə Zəngəzur dəhlizi ilə bağlı razılığın əldə olunduğunu bildirib

“Bürc Xəlifə”dən iki dəfə böyük olan asteroid Yerə yaxınlaşır

Ən çox oxunanalar