Cümə axşamı, 19 May 2022
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki
En

Bakıda ətin kiloqramı neçəyə satılır? 

Son vaxtlar ətin qiymətinin bahalaşdığı deyilir.

Yayılan məlumatlara görə, bəzi ət satışı məntəqələrində ətin bir kiloqramının qiymətində 4 manata qədər artımın olduğu bildirilir.

Oxu.Az-ın əməkdaşı qiymət artımının olub-olmamasını araşdırmaq üçün ət-kəsim məntəqələrində olub.

Öncə Neapol dairəsi yaxınlığındakı ət satışı dükanlarına daxil olduq.

Orada 1 kiloqram mal ətinin qiyməti 11,5 manata satılır. Sümüksüz 1 kq mal ətinin qiyməti isə 13-13,50 manat aralığında dəyişir. Ət satanların sözlərinə görə, qiymət qaldırılmayıb, əvvəl necə satılırdısa, indi də o qiymətə satılır. Onlar da ətin qiymətinin qaldırılması ilə bağlı xəbərlərə təəccübləniblər.

Daha sonra 8-ci km bazarı adlanan əraziyə baş çəkdik. Burada yaşlı və dişi ətlər satıldığından, qiymətlər nisbətən ucuzdur. Ət satışı ilə məşğul olan Məcid Əliyev təxminən 30 ildir ki, bu bazarda işləyir. O da qiymət dəyişikliyinin müşahidə olunmadığını dedi:

“Biz əvvəl necə idisə, indi də o qiymətə satırıq. Yəni əti 7,50 manata satırıq. Bizdəki düyə (dişi) ətidir. Bu ətlər gecə saat 1-2-də kəsilir. Mallar əsasən BeyləqanBərdədən gətirilir, İslam qaydalarına əsasən kəsib satırıq. Satılmayan ətləri bazarın böyük soyuducusuna yerləşdiririk. Yəni, xarab olmurlar, səhər satırıq”.

8-ci mikrorayonda yerləşən iri ət dükanında isə qiymətlərdə ciddi artım müşahidə olunmur. Qəssablardan birinin sözünə görə, 1 kq ət 13, sümüksüzü isə 13 manata satılır. Quzu ətinin 1 kq-ı isə 14,5-15 manata satılır.

Ancaq bir qədər irəlidə müəyyən edirik ki, mal ətinin qiyməti 11,5, sümüksüzü isə 14 manatadır. Satıcı Asif Vəliyevin sözlərinə görə, qiymət artımı malların əsasən gətirildiyi Bərdə ilə bağlıdır:

“Rayondan gətiririk. Gətirdiklərimiz erkək, cavan danalardır. Orada malların qiyməti qaldırılıb. Ancaq müştərilər qaçmasın deyə, məcburuq ki, əvvəlki qiymətə sataq. Əvvəllər rayonda ət 13 manat idi, biz də 14 manata satırdıq, hər kilosunda 1 manat bizə qalırdı. İndi qiymət olub 14 manata. Biz isə dəyişməmişik”.

Təbii ki, belə də sual doğur, bəs bu satıcıların xeyri nədir? Obyektin təmsilçisi Kənan Baxşəliyevin sözlərinə görə, burada əvvəldən də sümüksüz ət 14 manata satılıb.

Biləcəridə yerləşən ət dükanının qəssabı Şahin Yaqubov isə deyir ki, sümüksüz ətin qiymətində 1 manat artım var. Buna səbəb isə, Bərdə bazarında dana ətinin əvvəlki qiymətə satılmamasıdır. Bu səbəbdən də 50 qəpik - 1 manat baha qiymətə satış edilir. Lakin qəssab alıcıların azalmaması üçün bundan artıq qiymət artımının olacağına inanmadığını bildirir. Onun sözlərinə görə, ətin qiymətinin 2-3 manat artacağı ilə bağlı deyilənlər şayiədən başqa bir şey deyil.

Beləliklə, ətin qiymətinin artması, xüsusilə 4 manat bahalaşması ilə bağlı yayılan şayiələrin əsassız olduğu üzə çıxdı.

pia.az

 

 


Etiket:


Digərxəbərlər

Dolların dünya hökmranlığının sonu gəlir? - Alternativ “rəqəmsal yuan” ola bilər…

Ermənistan ziyalıları Paşinyan hökumətini sülh müqaviləsi bağlamağa çağırıblar

Populyar xəbərlər

Ramiz Mehdiyevin nəvəsinin FHN-də ciddi “yeyintiləri” aşkarlanıb - O, həm də nazir müavinin oğludur...

Hamı onları sevgili bildi, toy günü nişanlısını buraxıb Türkiyəyə qaçdı – Səhnəmizin Məlahəti...

“Filarmoniyada baş verənlər Azərbaycan mədəniyyətini təhdid etmək deməkdir” - Hafiz Hacıyev

Azərbaycanın mədəniyyət ocağında biabırçılıq - Filarmoniya gecə klubuna çevrilib? - Video

Səttar Mehbalıyevin qardaşının “Nobellik” pasport biznesi: Dövlət 60 manat, rəis 150 manat qazanır

Maşından küçələrə “yüz manatlıq” səpən şəxsi polis həbs etdi

İƏT PA-nın Üçüncü Ümumi Konfransının iştirakçıları Şuşadadır - Yenilənib, Foto

Rusiya imkan verməsə, Xankəndiyə DİN girməlidir

Tahir Əmiraslanovun vəzifədən çıxarılmasına rəsmi münasibət

Azərbaycan və Litva prezidentləri mətbuata bəyanatlarla çıxış ediblər - Yenilənib

Finlandiya və İsveçin NATO-ya daxil olmasını dəstəkləməyən Türkiyə Rusiyanın ayağının altına yağ çəkir?..

Türkiyə Finlandiya və İsveçin NATO-ya üzv olması ilə bağlı şərtlərini açıqladı

Ən çox oxunanalar

  • Bu gün
  • Bu həftə
  • Bu ay