Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Şəhidin medalları ailəsinə təqdim olunub

Biləsuvar rayonunun Ağalıkənd kəndində Vətən müharibəsi şəhidi baş leytenant Elmar Mirzəyevin anım mərasimi keçirilib.

"Report"un Muğan bürosunun məlumatına görə, tədbirdə Biləsuvar rayon İcra Hakimiyyətinin rəsmiləri və ictimaiyyət nümayəndələri iştirak ediblər.

E.Mirzəyevin Prezident İlham Əliyevin sərəncamı ilə təltif olunduğu "İgidliyə görə" və “Kəlbəcərin azad olunmasına görə” medalları şəhidin ailəsinə təqdim edilib.

Bildirilib ki, Azərbaycan xalqının qüruru, fəxri olan şəhidlərimizin xatirəsi bundan sonra da daim əziz tutulacaq və dövlət daimi şəhidlik zirvəsinə ucalan igidlərin ailələrinin yanında olacaq.

Həmçinin şəhidin yaşadığı evə vurulan xatirə lövhəsinin açılışı olub.

Qeyd edək ki, Elmar Şahin oğlu Mirzəyev 1995-ci il mayın 1-də Biləsuvar rayonunun Ağalıkənd kəndində anadan olub. 2012-2016-cı illərdə Heydər Əliyev adına Azərbaycan Ali Hərbi Məktəbində (AAHM) ali hərbi təhsil alıb. 2016-cı ildə hərbi xidmətə başlayıb.

Azərbaycan Ordusunun baş leytenantı E.Mirzəyev Vətən müharibəsi zamanı Murovdağda, həmçinin Füzulinin və Xocavəndin azadlığı uğrunda gedən döyüşlərdə iştirak edib. O, oktyabrın 15-də Füzuli uğrunda gedən şiddətli döyüşlərdə şəhid olub. Oktyabrın 16-da Biləsuvarın Ağalıkənd kəndində dəfn olunub.

Prezident İlham Əliyevin sərəncamı ilə E.Mirzəyev ölümündən sonra "Vətən uğrunda", "Xocavəndin azad olunmasına görə", "Cəbrayılın azad olunmasına görə", "İgidliyə görə" və "Kəlbəcərin azad olunmasına görə" medalları ilə təltif edilib.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Yarım milyon mənimsəyən baş həkim həbsdə öldü    

Şadlıq saraylarında menyular bahalaşdı - Qiymətlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Azərbaycanda taksilərdə gediş haqqı lövhəsinin nümunəvi forması açıqlanıb

Uçot dərəcəsi endirilir, amma kredit faizləri azalmır. Nədən...

Ən çox oxunanalar