Futbol üzrə Azərbaycan millisi 2022-ci il dünya çempionatının seçmə mərhələsində növbəti oyununu keçirib.
"Report”un məlumatına görə, Canni De Byazinin baş məşqçi olduğu kollektiv Bakı Olimpiya Stadionunda Portuqaliya yığması ilə qarşılaşıb. İtaliyalı FIFA referisi Marko Quidanın idarə etdiyi görüş qonaqların 3:0 hesablı qələbəsi ilə başa çatıb.
Portuqaliyalıların hücumları ilı başlayan oyunda hesab 26-cı dəqiqədə açılıb. Brunu Fernandeşin ideal ötürməsini Bernardu Silva qola çevirib. Cəmi 3 dəqiqə sonra Azər Salahlı hesabı bərabərləşdirməyə yaxın olsa da, yaxın məsafədən topu qapıya göndərə bilməyib. Əvəzində qonaqlar 31-ci dəqiqədə ikinci qolu vurublar. Bu dəfə Andre Silva adını tabloya yazdırıb. Hissənin sununcu dəqiqəsində Filip Ozobiç fərqi azaltmaq üçün əla fürsət yaxalayıb. Lakin yarımmüdafiəçi son anda topa toxuna bilməyib. İlk yarı qonaqların 2:0 hesablı qüstünlüyü ilə yekunlaşıb. Fasilədən sonra dəyişikliyə əl atan De Byazi Qara Qarayevlə Təmkin Xəlilzadənin yerinə meydana Əli Qurbani və Anatoli Nuriyevi buraxıb. Lakin bu əvəzetmə də nəticə verməyib. 75-ci dəqiqədə isə Portuqlaliya yığması Azərbaycan millisini 3-cü dəfə meydanın mərkəzinə dəvət edib. Bu dəfə Diequ Jota fərqlənərək, matçda son nöqtəni qoyub.
Qeyd edək ki, bu nəticədən sonra xallarını 13-ə çatdıran Portuqaliya yığması A qrupunda ilk pilləyə yüksəlib. Azərbaycan isə 1 xalla sonuncudur.
***
Azərbaycan və Portuqaliya yığmaları arasında 2022-ci il dünya çempionatının seçmə oyununda ilk hissə başa çatıb.
"Report"un məlumatına görə, Canni De Byazinin başçılıq etdiyi kollektiv fasiləyə məğlub yollanıb - 0:2.
***
Azərbaycan və Portuqaliya yığmaları arasında 2022-ci il dünya çempionatının seçmə oyununda hesab açılıb.
"Report"un məlumatına görə, qonaqların heyətində 26-cı dəqiqədə Bernardu Silva fərqlənib.
***
Azərbaycan və Portuqaliya yığmaları arasında 2022-ci il dünya çempionatının seçmə oyunu start götürüb.
"Report"un məlumatına görə, Bakı Olimpiya Stadionunda keçirilən görüş saat 20:00-da başlayıb.
Qarşılaşmanı italiyalı FIFA referisi Marko Quida idarə edir.
***
2022-ci il dünya çempionatının seçmə mərhələsində üz-üzə gələcək Azərbaycan və Portuqaliya yığmalarının start heyətləri açıqlanıb.
"Report" xəbər verir ki, komandalar meydana aşağıdakı "11-lik"lə çıxacaq:
Azərbaycan: 1Magomedaliyev, 2GarayevC3Salahli4Hahgverdi7Alaskarov8Makhmudov10Emreli13A. Hüseynov14Badalov19Khalilzade20Ozobić
Baş məşqçi: Canni De Byazi
Portuqaliya: 1Rui Patrício, 3Pepe4Rúben Dias5Guerreiro6João Palhinha8João MoutinhoC9André Silva10Bernardo Silva11Bruno Fernandes20João Cancelo21Diogo Jota
Baş məşqçi: Fernandu Santuş
Qeyd edək ki, Bakı Olimpiya Stadionunda oynanılacaq Azərbaycan - Portuqaliya matçı saat 20:00-da başlayacaq.
pia.az