ABŞ da neft tankerinə hücuma görə İranı ittiham edib

"Amerika Birləşmiş Ştatları, mövcud informasiyaya əsaslanaraq, "Mercer Street" tankerinə edilən hücumun arxasında İranın dayandığını bəyan edir. Buna heç bir bəhanə ola bilməz".

PİA.az xəbər verir ki, bunu ABŞ dövlət katibi Entoni Blinken deyib.

"Mövcud məlumatları araşdırdıqdan sonra, əminik ki, İran partlayıcı qurğular ilə təchiz olunmuş pilotsuz uçuş aparatlarından istifadə edərək, iki günahsız insanın ölümü ilə nəticələnən hücumu həyata keçirib", - dövlət katıbı bildirib.

Amerika diplomatiyasının rəhbəri vurğulayıb ki, İrana yaxın gələcəkdə "adekvat cavab" veriləcək.

pia.az