Ukraynanın Təhlükəsizlik Xidməti Rusiyanın müdafiə naziri Sergey Şoyqunun ünvanına məktub göndərərək onu şübhəli şəxs qismində istintaqa ifadə verməyə çağırıb. Bu haqda Ukrayna KİV-ləri sənədin internetə sızmış surətinə istinadla bildirir.
Sənədə əsasən Şoyqunun “qanunla nəzərdə tutulmamış hərbi birləşmənin yaradılması” işi üzrə istintaqa ifadə verməsinə kəskin zərurət yaranıb. Bununla əlaqədar Təhlükəsizlik Xidməti Şoyqunun iyulun 20-də Mariupol şəhərində, Donbas və Luqansk vilayətləri üzrə Baş idarənin binasında gəlməsini tələb edir. Çağırışı Ukrayna Təhlükəsizlik Xidmətinin baş müstəntiqi Taras Butenko imzalayıb.
Lakin Ukrayna Təhlükəsizlik Xidmətinin müstəntiqləri çətin ki, iyulun 20-də Şoyqudan Mariupolda ifadə ala bilsinlər. Çünki Rusiya müdafiə naziri nəinki Ukraynaya getmək fikrindədir, heç Moskvanın özündə onu tapmaq mümkün deyil. Çünki qızı Kseniya Şoyqunun İnstagram-da yazdığı kimi, müdafiə naziri Moskvanın isti və bürkülü havasına dözməyərək vətəni Tuvaya yollanıb. Və orada, tayqa meşələrində atla gəzintiyə çıxıb. Şoyqunun qızı atasının tayqa meşələrində atla gəzintisini əks etdirən qısa video da paylaşıb. “Moskvada isti və bürkülü olanda, həmişə Vətənə can atırsan”, - müdafiə nazirinin qızı yazıb. (virtualaz.org)
pia.az