AVRO-2020-nin üçüncü oyun gününə start verilib.
Apasport.az saytının məlumatına görə, D qrupunda mübarizəyə Londonda start verilib.
Bu gün Avropa Liqasının finalı keçiriləcək
AVRO-2020: Bakıdakı oyunlara 45 min bilet satılıb
Mahir Emreli Polşaya yollanmaq üçün vizanı gözləyir
İngiltərə millisi “Uembli”də Xorvatiyanı qəbul edib. Matça daha fəal başlayan futbolun yaradıcıları təşəbbüsə yiyələnib. Meydan sahiblərinin daha çox hücum qurduğu ilk yarıda balkanlılar da dəfələrlə rəqibin müdafiə xəttini narahat edib. Amma fasiləyədək hesab açılmayıb.
İkinci hissənin əvvəlində də üstün futbol nümayiş etdirən Qaret Sautqeytin yetirmələri fasilədən az sonra hesabı açıb. Rahim Sterlinq xorvatiyalıları məyus edib. Vurulan qoldan sonra da bir müddət oyuna britaniyalılar nəzarət etsə də, Zlatko Daliçin yetirmələri üstünlüyə yiyələnib. Ancaq ingilislərin müdafiə xəttini yara bilməyən Luka Modriç və komanda yoldaşları görüşdən xalsız ayrılıb. 3 il əvvəl dünya çempionatının yarımfinalında Xorvatiyaya 1:2 hesabı ilə uduzan futbolun yaradıcıları bununla da həmin yarışın vitse-çempionundan revanş ala bilib.
Qeyd edək ki, D qrupunun digər matçı sabah keçiriləcək. Şotlandiya Qlazqoda Çexiya ilə görüşəcək.
AVRO-2020
I tur, 13 iyun
D qrupu
17:00. İngiltərə - Xorvatiya - 1:0
Qol: Rahim Sterlinq, 56
Baş hakim: Daniele Orsato (İtaliya)
London. “Uembli” stadionu
***
İngiltərə – Xorvatiya oyununda ilk hissədən sonra hesab açılmayıb. Londondakı matç meydan sahiblərinin diqtəsi ilə keçsə də, rəqib qapısına qol vurmaq mümkün olmayıb.
***
İngiltərə öz meydanında son dünya çempionatının finalçısı Xorvatiyaya qarşı görüşə başladı.
***
Azərbaycanın da ev sahiblərindən biri olduğu Avro-2020-nin oyunları davam edir.
PİA.az xəbər verir ki, bu gün daha üç qarşılaşma baş tutacaq.
Günün ilk oyununda İngiltərə Londonda, məşhur “Uembli” stadionunda Xorvatiyanı qəbul edəcək.
Qrupun iki favoritinin qarşılaşacağı oyunda artıq start heyətləri açıqlanıb.
İngiltərə: Pikford; Uolker, Stons, Minqs, Trippyer; Fillips, Rayz; Sterlinq, Maunt, Foden; Keyn.
Xorvatiya: Livakoviç; Vrsalyko, Vida, Kaleta-Kar, Qvardiol; Brozoviç, Kovaçiç, Modriç; Perisiç, Kramariç, Rebiç
Qeyd edək ki, görüş saat 17:00-da start götürəcək. (Oxu.Az)
pia.az